ఒంగోలు, మార్చి 2: ఇటీవల ఒంగోలు రిమ్స్ హాస్పిటల్ క్వార్టర్స్‌లోని ఐదు ఇళ్లల్లో జరిగిన దొంగతనం కేసులను ఒంగోలు పోలీసులు ఛేదించినట్లు ఎస్‌పి సత్య ఏసుబాబు తెలిపారు. శుక్రవారం స్థానిక జిల్లా పోలీసు కార్యాలయంలోని సమావేశ మందిరంలో జరిగిన విలేఖర్ల సమావేశంలో ఎస్‌పి సత్య ఏసుబాబు మాట్లాడుతూ ఈ కేసుల్లో మధ్యప్రదేశ్ రాష్ట్రానికి చెందిన నలుగురు గజ దొంగలను ఒంగోలు పోలీసులు అరెస్ట్ చేసినట్లు ఎస్పీ తెలిపారు.

కాల్వశ్రీరాంపూర్, మార్చి 2: పరీక్షలో ఫెయిల్ అవుతానేమోననే బెంగతో ఇంటర్ విద్యార్థిని బావిలో దూకి ఆత్మహత్య చేసుకున్న సంఘటన కాల్వశ్రీరాంపూర్ మండలంలోని పందిళ్ల గ్రామ పంచాయతీ పరిధిలో గల ఆరెపల్లిలో శుక్రవారం చోటు చేసుకుంది. పోలీసులు తెలిపిన వివరాల ప్రకారం ఆరెపల్లి గ్రామానికి చెందిన గీరం సాగరిక (18) మండలంలోని మల్యాల మోడల్ స్కూళ్లో ఇంటర్ మొదటి సంవత్సరం చదువుతుంది.

మంచిర్యాల, మార్చి 2: మంచిర్యాల పట్టణంలో శ్రీ వెంకటేశ్వర్ మెటల్ స్టోర్స్‌లో 14 రోజుల క్రితం జరిగిన చోరీ కేసులో ఆరుగురు నిందితులను పట్టుకోని వారి నుంచి రూ. 2,02,130 తో పాటు మోటర్ సైకిల్‌ను స్వాధీన పరుచుకున్నట్లు గా పట్టణ సీ ఐ ఎడ్ల మహేష్ తెలిపారు. శుక్రవారం సాయంత్రం పోలీస్ స్టేషన్ లో ఏర్పాటు చేసిన విలేకరుల సమావేశంలో దొంగ తనానికి సంబంధించిన వివరాలను వెల్లడించారు.

కనగల్, మార్చి 2: మండలంలోని దర్వేశీపురం గ్రామంలో వృద్ధురాలిని గుర్తు తెలియని వ్యక్తులు దారుణంగా హత్య చేశారు. దర్వేశీపురం గ్రామానికి చెందిన కంచెరకుంట నర్సమ్మ (65)అనే వృద్ధురాలు శ్రీ రేణుక ఎల్లమ్మ ఆలయం వద్ద కమ్మల గుడిసెను అద్దెకిస్తూ జీవనం సాగిస్తుంది. గురువారం అర్థరాత్రి గుర్తు తెలియని వ్యక్తులు నర్సమ్మను బండ రాళ్లతో కట్టి హత్య చేసినట్లు పోలీసులు తెలిపారు. నర్సమ్మకు ఇద్దరు కుమార్తెలు ఉన్నారు.