విశాఖ: కేంద్ర ప్రభుత్వం స్మార్ట్‌సిటీగా గుర్తించిన విశాఖ నగరం అనతికాలంలోనే అభివృద్ధి పథంలో అద్భుతాలను సాధిస్తోందని సిఎం చంద్రబాబు అన్నారు. 2014లో హుదూద్ తుఫాన్ విలయం సృష్టించినప్పటికీ తొందరలోనే విశాఖ కోలుకుందన్నారు.

విజయవాడ: తక్కువ ధరలకే ఫలహారాలు, భోజనం అందించేందుకు నవ్యాంధ్ర రాజధాని అమరావతి ప్రాంతంలో రెండు అన్న క్యాంటీన్లను శనివారం ప్రారంభించారు. వెలగపూడి వద్ద సిఎం చంద్రబాబు, మల్కాపురం వద్ద మంత్రి పరిటాల సునీత వీటిని లాంఛనంగా ప్రారంభించారు. ఒక్కో క్యాంటీన్‌లో రోజుకు 400 మంది వరకూ ఫలహారాలు, భోజనాలను అందజేస్తారు. అమరావతిలో మరో రెండు క్యాంటీన్లను కొద్దిరోజుల్లో ప్రారంభిస్తామని మంత్రి సునీత తెలిపారు.

విజయవాడ: ఎపి సివిల్ సప్లయిస్ శాఖ ప్రధాన కార్యాలయాన్ని ఇక్కడి గొల్లపూడిలో మంత్రి పరిటాల సునీత శనివారం ఉదయం ప్రారంభించారు. తమ శాఖకు సంబంధించి అన్ని కార్యాలయాల తరలింపు రెండు నెలల్లో పూర్తవుతుందని ఆమె చెప్పారు. రాష్ట్ర ప్రజలందరికీ త్వరలోనే పూర్తి స్థాయిలో సేవలందించేందుకు ఏర్పాట్లు జరుగుతున్నట్లు ఆమె తెలిపారు.

హైదరాబాద్, జూన్ 24: ఆంధ్రప్రదేశ్ ప్రభుత్వం ఎస్సీ, ఎస్టీ కమిషన్ ఏర్పాటుకు సంబంధించిన వివరాలపై కౌంటర్ అఫిడవిట్‌ను దాఖలు చేయాలని హైకోర్టు శుక్రవారం ఏపి ప్రభుత్వాన్ని ఆదేశించింది. ఈ ఆదేశాలను జస్టిస్ ఏవి శేషసాయి జారీ చేశారు. తూర్పుగోదావరి జిల్లాకు చెందిన ఎం జయ అనే మసిళ ఎస్సీ, ఎస్టీకమిషన్ ఏర్పాటుకు సంబంధించి విధానాన్ని సవాలు చేస్తూ పిటిషన్ దాఖలు చేశారు.