విజయవాడ: ఎపి విద్యాశాఖకు సంబంధించిన కార్యాలయాలన్నీ నెలరోజుల్లోగా విజయవాడలోనే పనిచేస్తాయని రాష్ట్ర మానవ వనరుల శాఖా మంత్రి గంటా శ్రీనివాసరావు తెలిపారు. ఆయన సోమవారం ఇక్కడ ఇంటీర్మీడియట్ విద్య కమిషనరేట్‌ను ప్రారంభించారు. పాఠశాల విద్య, కళాశాల విద్య, సాంకేతిక విద్యకు సంబంధించిన కార్యాలయాల తరలింపు కొద్దిరోజుల్లోనే పూర్తవుతుందన్నారు.

చెన్నై: కాలేయ సంబంధిత వ్యాధితో బాధపడుతున్న 6 నెలల చిన్నారి జ్ఞానసాయిని చెన్నైలోని గ్లోబల్ ఆస్పత్రిలో జ్ఞానసాయిని డాక్టర్ రేల పరీక్షించారు. పాప పరిస్థితి మామూలుగానే ఉందని, తల్లిదండ్రుల కాలేయం పరిశీలించిన తర్వాత శస్త్రచికిత్సకు ఏర్పాటు చేయనున్నట్టు డాక్టర్ రేల తెలిపారు. శస్త్ర చికిత్సకు 10 నుంచి 15 రోజుల సమయం పడుతుందని గ్లోబల్ హాస్పటల్ వైస్ ప్రెసిడెంట్ భాస్కర్ రెడ్డి పేర్కొన్నారు.

విజయవాడ: రాష్ట్ర ప్రభుత్వం విధించిన గడువు సమీపించడంతో గుంటూరు, విజయవాడ ప్రాంతంలో ప్రభుత్వ కార్యాలయాల ఏర్పాటు ఊపందుకుంది. ఈనెల 27లోగా హైదరాబాద్ నుంచి ఉద్యోగులంతా అమరావతి ప్రాంతానికి తరలిరావాలని ఎపి ప్రభుత్వం ఆదేశించిన సంగతి తెలిసిందే. ఇప్పటికే 25 ప్రభుత్వ శాఖల కార్యాలయాలను ఇక్కడ ఏర్పాటు చేశారు. సోమవారం ఉదయం పంచాయతీరాజ్ శాఖ ముఖ్య కార్యాలయాన్ని ప్రారంభించారు.

తిరుమల, జూన్ 26: తిరుమల శ్రీవేంకటేశ్వర స్వామివారి దర్శనానికి వచ్చిన భక్తులతో తిరుమల గిరులు కిటకిటలాడుతున్నాయి. ఆదివారం రికార్డు స్థాయిలో రూ.4.22 కోట్లు హుండీ ద్వారా సమకూరాయి. ఇటీవల కాలంలో ఆలయ లెక్కల ప్రకారం ఇదే రికార్డు ఆదాయంగా నిలిచింది. శనివారం ఆలయ హుండీలో భక్తులు సమర్పించిన కానుకలను ఆదివారం లెక్కించారు.