హైదరాబాద్, మే 7: తెలంగాణ రాష్ట్రంలో పాడిపరిశ్రమాభివృద్ధికి ప్రత్యేక ప్రణాళిక రూపొందిస్తున్నామని పశుసంవర్ధక శాఖ మంత్రి తలసాని శ్రీనివాస్ యాదవ్ పేర్కొన్నారు. శనివారం ఆయన హైదరాబాద్‌లోని విజయ డైరీ ప్లాంట్‌ను సందర్శించారు. 2.48 కోట్ల రూపాయలతో ఏర్పాటు చేసిన బాయిలరీ ప్లాంట్‌ను, 1.70 కోట్ల రూపాయలతో ఏర్పాటు చేసిన లాబోరేటరీని, గోదామును ప్రారంభించారు. తర్వాత అధికారులతో సమావేశమయ్యారు.

హైదరాబాద్, మే 7: తెలంగాణ రాష్ట్రానికి ప్రత్యేక హైకోర్టును ఏర్పాటు చేయాలని తెలంగాణ హైకోర్టు అడ్వకేట్ల అసోసియేషన్, అన్ని జిల్లాల బార్ అసోసియేషన్ ప్రెసిడెంట్లు డిమాండ్ చేశారు. శనివారంనాడు హైకోర్టు వద్ద నిర్వహించిన సంయుక్త సమావేశంలో ఈ మేరకు నిర్ణయించినట్లు తెలిపారు. ప్రొవిజినల్ జాబితాకు వ్యతిరేకంగా ఆంధ్ర, తెలంగాణ మధ్య న్యాయాధికారులను కేటాయించడాన్ని వారు తీవ్రంగా వ్యతిరేకించారు.

హైదరాబాద్, మే 7: ఇంజనీరింగ్ విద్యార్థిని కె.దేవిరెడ్డి మృతికి రోడ్డు ప్రమాదమే కారణమని తెలుస్తోంది. లోతుగా దర్యాప్తు జరిపిన తర్వాత పోలీసులు ఈ విషయాన్ని అధికారికంగా ప్రకటించే అవకాశం ఉంది. అయితే తమ కుమార్తెను హత్య చేశారని, కనుక ఈ కోణంలో దర్యాప్తు జరపాలని దేవిరెడ్డి తల్లితండ్రులు సిపిని కలిసి కోరారు.

హైదరాబాద్, మే 7: దివంగత మాజీ మంత్రి రాంరెడ్డి వెంకట్‌రెడ్డి వైద్య ఖర్చులను ప్రభుత్వం భరించిందని, అంతే తప్ప రాష్ట్ర మంత్రి కె.తారక రామారావు తన జేబు నుంచి గానీ తన తండ్రి జేబు నుంచి గానీ చెల్లించలేదని టి.టిడిపి కార్యనిర్వాహక అధ్యక్షుడు ఎ.రేవంత్‌రెడ్డి మండిపడ్డారు.