హైదరాబాద్: నగరంలోని పలు ప్రాంతాల్లో శుక్రవారం తెల్లవారు జామున భారీ వర్షం కురిసింది. ఈదురుగాలులు వీచడంతో చాలాచోట్ల చెట్లు విరిగిపడి ట్రాఫిక్‌కు అంతరాయం కలిగింది. డ్రైనేజీలు పొంగి రోడ్లపై ప్రవహిస్తున్నాయి. విద్యుత్ సరఫరాకు అంతరాయం కలిగింది. చాలారోడ్లపై నిలిచిన వర్షపునీటిలో వాహనాలు కూరుకుపోయాయి.

హైదరాబాద్: తమ పార్టీ గుర్తుపై ఎంపీగా గెలిచి, తెలంగాణ శాఖకు అధ్యక్షుడిగా వ్యవహరించిన పొంగులేటి శ్రీనివాసరెడ్డి తెరాసలో చేరడం తీరని ద్రోహమని వైకాపా కార్యకర్తలు ఆ పార్టీ కార్యాలయం వద్ద గురువారం నిరసన తెలిపారు. పొంగులేటికి సత్తా ఉంటే- ఎంపీ పదవికి రాజీనామా చేసి తెరాస అభ్యర్థిగా ఎన్నికల్లో గెలవాలని వారు సవాల్ చేశారు.

హైదరాబాద్: శ్రీకాకుళం నుంచి వచ్చి నగరంలోని జూబ్లీహిల్స్ ప్రాంతంలో ఉంటున్న కుటుంబాలకు చెందిన ఇద్దరు బాలురు బుధవారం నుంచి కనిపించకుండాపోయారు. బాలుర తల్లిదండ్రుల ఫిర్యాదు మేరకు పోలీసులు గాలింపు చర్యలు చేపట్టారు. ఈ ఇద్దరినీ ఎవరైనా కిడ్నాప్ చేశారా? అన్న కోణంలోనూ విచారిస్తున్నారు.

హైదరాబాద్: పాలేరు ఉపఎన్నికలో అక్రమాలను నిరోధించేలా ఓటింగ్ యంత్రాల (ఈవిఎం)కు ప్రింటర్లు ఏర్పాటు చేయాలని టి.పిసిసి అధ్యక్షుడు ఉత్తమ్‌కుమార్ రెడ్డి ఎన్నికల సంఘానికి విజ్ఞప్తి చేశారు. ఉపఎన్నిక నిష్పక్షపాతంగా జరపాలన్న ఉద్దేశంతో ఖమ్మం కలెక్టర్, ఎస్పీ, మరో అధికారిని ఇటీవల బదిలీ చేసినా, అధికారుల్లో ఎలాంటి మార్పు రాలేదన్నారు.