హైదరాబాద్, మే 8: ఈనెల చివరి నాటికి 165 గోదాముల నిర్మాణం పూర్తి చేయాలని, ఆగస్టు నాటికి మరో వంద గోదాముల నిర్మాణం పూర్తి చేయాలని మార్కెటింగ్ శాఖ మంత్రి తన్నీరు హరీశ్‌రావు అధికారులను ఆదేశించారు. మార్కెటింగ్ శాఖపై సచివాలయంలో మంత్రి ఆదివారం సమీక్ష జరిపారు. ప్రస్తుతం వంద గోదాములు నిర్మాణ దశలో ఉన్నాయని చెప్పా రు.

హైదరాబాద్, మే 8: ఇంజనీరింగ్ విద్యార్థిని కె.దేవిరెడ్డి రోడ్డు ప్రమాదంలోనే మృతి చెందిందని హైదరాబాద్ నగర పోలీసు కమిషనర్ ఎం.మహేందర్‌రెడ్డి వెల్లడించారు. దేవిరెడ్డిని హత్య చేశారనడానికి ఎలాంటి ఆధారాలు లభించలేదని, ఆమె ప్రమాదంలో మృతి చెందిందని వైద్యులు కూడా నిర్ధారించినట్లు పేర్కొన్నారు.

హైదరాబాద్, మే 8 : తెలంగాణ రాష్ట్రంలో పాత్రికేయుల సంక్షేమం పెండింగ్‌లో పడిపోయింది. జర్నలిస్టుల సంక్షేమం కోసం రూపొందించిన నిబంధనావళికి ముఖ్యమంత్రి కేసీఆర్ ఆమోదం పొందకపోవటంతో పథకాల అమలు పెండింగ్‌లో పడిపోయాయి. టిఆర్‌ఎస్ ప్రభుత్వం జర్నలిస్టుల సంక్షేమం కోసం గత రెండేళ్లలో రూ.20 కోట్ల రూపాయలు విడుదల చేయగా, ఈ నిధుల వినియోగానికి నియమావళిని ఆమోదించడంలో జాప్యం జరుగుతోంది.

ఖమ్మం, మే 8: రాజకీయ జ్ఞానం లేని మంత్రి కెటిఆర్ బచ్చా అని, ఉద్యమం పేరుతో ప్రజలను మోసగించి గద్దెనెక్కిన టిఆర్‌ఎస్ నాయకులకు తెలంగాణ రాష్ట్రాన్ని ఇచ్చిన కాంగ్రెస్‌ను విమర్శించే నైతిక అర్హత లేదని పిసిసి అధ్యక్షుడు ఉత్తమ్‌కుమార్‌రెడ్డి పేర్కొన్నారు. పాలేరు ఉప ఎన్నికల ప్రచారంలో భాగంగా జరిగిన సభల్లో ఆయన మాట్లాడుతూ పాలేరులో గెలిస్తే రాజీనామా చేస్తానని కెటిఆర్ అనటం హాస్యాస్పదంగా ఉందన్నారు.