హైదరాబాద్, నవంబర్ 27: విద్యుత్ పొదుపు చర్యల్లో భాగంగా కోటి ఎల్‌ఇడి బల్బులను పంపిణీ చేసి ఆంధ్రప్రదేశ్ ప్రపంచ రికార్డు సృష్టించింది. శుక్రవారం సాయంత్రానికి ఎపిలో కోటి బల్బుల పంపిణీ పూర్తయినట్లు ఆ సమాచారాన్ని కేంద్ర ప్రభుత్వానికి పంపించారు. ఇందుకు కేంద్ర బొగ్గు, విద్యుత్ శాఖల మంత్రి పియూష్ గోయల్ ఎపి సిఎం చంద్రబాబునాయుడును అభినందించారు.

గుంటూరు, నవంబర్ 27: కేంద్ర రాజధాని ప్రాంతమైన ఉద్దండరాయునిపాలెం వరకు నాలుగులేన్ల రోడ్డును నిర్మించాలని ప్రభుత్వం నిర్ణయం తీసుకున్నట్లు ప్రచారం జరుగుతుండటంతో రాజధాని ప్రాంత గ్రామాల ప్రజలు ఆందోళన చెందుతున్నారు. రాష్ట్ర ప్రభుత్వం భూసమీకరణను ప్రారంభించిన సమయంలో నిద్రలేని రాత్రుళ్లు గడిపిన వివిధ గ్రామాల ప్రజలు..మళ్లీ అదే పరిస్థితి నెలకొందని వ్యాఖ్యానిస్తున్నారు.

హైదరాబాద్, నవంబర్ 27: డాక్టర్ బిఆర్ అంబేద్కర్ ఓపెన్ యూనివర్సిటీ, పొట్టి శ్రీరాములు తెలుగు విశ్వవిద్యాలయం ఆంధ్రలో తమ సేవలను అందించడం లేదన్న అంశంపై విచారణ జరిగిన సందర్భంలో ఇరు రాష్ట్రాల అడ్వకేట్ జనరళ్లు పరస్పర ఆరోపణలు చేసుకోవడంపట్ల హైకోర్టు విస్మయం వ్యక్తం చేసింది. సెప్టెంబర్ 4న తాము ఇచ్చిన ఆదేశాలపై ఇరు రాష్ట్రాలు తీసుకున్న చర్యలు ఏమిటని హైకోర్టు నిలదీసింది.

రేణిగుంట, నవంబర్ 27: రాష్ట్రంలో హార్డ్‌వేర్‌కు ఉజ్వల భవిష్యత్తు ఉందని, తిరుపతి-చెన్నయ్-నెల్లూరుల మధ్య ఇండస్ట్రియల్ కారిడార్‌ను ఏర్పాటు చేసి అభివృద్ధిపథంలో నడిపిస్తామని సిఎం చంద్రబాబు నాయుడు అన్నారు. శుక్రవారం సాయంత్రం రేణిగుంట విమానాశ్రయం సమీపంలో ప్రభుత్వం ఏర్పాటు చేస్తున్న ఐటి హబ్ సమీపంలో ఏర్పాటు చేసిన శ్రీ వేంకటేశ్వర మొబైల్‌హబ్ తొలి యూనిట్‌ను సిఎం ప్రారంభించారు.