హైదరాబాద్, నవంబర్ 27: ఆంధ్రప్రదేశ్‌లో అన్ని విద్యావిభాగాలపై వచ్చే నెల 2వ తేదీన ముఖ్యమంత్రి చంద్రబాబునాయుడు విజయవాడలో సమీక్ష నిర్వహించనున్నట్టు మానవ వనరుల మంత్రి గంటా శ్రీనివాసరావు తెలిపారు. శుక్రవారం నాడు ఆయన పాత్రికేయులతో మాట్లాడుతూ అన్ని విద్యా శాఖల స్థితిగతులను అధ్యయనం చేస్తారని అన్నారు.

హైదరాబాద్, నవంబర్ 27: రాయలసీమకు ఏదైనా న్యాయం జరిగిందంటే అది తెలుగుదేశం ప్రభుత్వ హయాంలోనేనని రాయలసీమ యూత్‌ఫోర్స్ కన్వీనర్ మద్దిపట్ల సూర్యప్రకాశ్ అన్నారు. సీమ జిల్లాలను దేశంలోనే అభివృద్ధి చెందిన జిల్లాలుగా తీర్చిదిద్దాలనే మహాసంకల్పంతో చంద్రబాబు పని చేస్తున్నారని తెలిపారు. రాయలసీమకు ఎవరు ఏం చేశారో తెలుసుకోకుండా నోటికొచ్చినట్లు మాట్లాడ్డం సరికాదని ఆయన ఒక ప్రకటనలో హితవు పలికారు.

హైదరాబాద్, నవంబర్ 27: ఆంధ్రప్రదేశ్ విద్యాశాఖ రాష్టస్థ్రాయి కార్యాలయాలను విజయవాడకు తరలించాలని ప్రభుత్వం నిర్ణయించింది. మూడు నెలల్లోగా అధికారులు, కార్యాలయాలు, రికార్డులు విజయవాడకు మారాలని సంబంధిత శాఖ సీనియర్ అధికారులు ఆదేశాలిచ్చారు. ఈమేరకు విజయవాడ నుంచి బందరుకు వెళ్లే దారిలో సిరీస్‌కు సమీపంలో ఒక పెద్ద భవనాన్ని ప్రభుత్వం అద్దెకు తీసుకుంది.

చంద్రగిరి, నవంబర్ 27: ఆంధ్రలో నదుల అనుసంధానం ద్వారా స్మార్ట్ వాటర్ గ్రిడ్ ఏర్పాటు చేయడమే లక్ష్యంగా పని చేస్తున్నట్టు సిఎం చంద్రబాబు పేర్కొన్నారు. తన మనుమడు దేవాన్ష్‌కు స్వగ్రామంలో పుట్టు వెంట్రుకలు తీయించే కార్యక్రమంలో పాల్గొన్న అనంతరం శుక్రవారం ఆయన కల్యాణి డ్యాంను పరిశీలించారు. ఈ సందర్భంగా డ్యాం గేటు ఎత్తి నీటిని కిందికి విడుదల చేశారు. అనంతరం గంగ పూజ చేసి హారతులిచ్చారు.