హైదరాబాద్: అగ్రీగోల్డ్ ఆస్తుల అమ్మకానికి సంబంధించిన కేసు విచారణను హైకోర్టు సోమవారానికి వాయిదా వేసింది. అగ్రీగోల్డ్ ఆస్తుల వేలానికి సంబంధించి గతంలో హైకోర్టు కమిటీని నియమించిన సంగతి తెలిసిందే. సోమవారం కోర్టుకు హాజరుకావాలని ఎమ్ఎస్ టీసీ ప్రతినిధులను కోర్టు ఆదేశించింది.

హైదరాబాద్, నవంబర్ 25: రైల్వే చరిత్రలో తొలిసారిగా పర్యావరణ రహిత, విద్యుత్ పొదుపును దృష్టిలో ఉంచుకుని తమ కార్యాలయాల్లో సహజ వెలుతురు (డే లైట్ పైప్ టెక్నాలజీ) వాడకాన్ని దక్షిణ మధ్య రైల్వే చేపట్టి ముందడుగు వేసింది. 2011లో దక్షిణ మధ్య రైల్వే ప్రధాన కార్యాలయం రైల్ నిలయంలో సిఎస్‌టిఈ, సిఈఈ కార్యాలయాల మధ్య ప్రయోగాత్మకంగా ఈ వ్యవస్థను ఏర్పాటు చేశారు.

హైదరాబాద్, నవంబర్ 25: ఆంధ్రప్రదేశ్‌లో రోడ్డు ప్రమాదాలు తగ్గాయని, ఇంటర్‌సెప్టర్ వాహనాల ఏర్పాటుతో ప్రమాద మృతులు కూడా తగ్గాయని డిజిపి జెవి రాముడు తెలిపారు. గత వారం రోజుల్లో జరిగిన రోడ్డు ప్రమాదాలతో పోలిస్తే ఈ వారంలో 634 ప్రమాద కేసులు తగ్గాయన్నారు. ఈ నెల 9నుంచి 15వ తేదీ వరకు రాష్ట్రంలో 2,847 కేసులు నమోదు కాగా, 16నుంచి 22వ, తేదీ వరకు 2,213 కేసులు నమోదయ్యాయని పేర్కొన్నారు.

హైదరాబాద్, నవంబర్ 25: ఆంధ్రప్రదేశ్ ముఖ్యమంత్రి ఎన్ చంద్రబాబునాయుడు ఈ నెల 28న తేదీన హైదరాబాద్ సచివాలయంలో ఉన్నతస్థాయి సమీక్ష నిర్వహించనున్నారు. ఈ సమీక్షలో మంత్రులు, ప్రభుత్వ ప్రధానకార్యదర్శి, అన్ని శాఖల ముఖ్యకార్యదర్శులు, కార్యదర్శులు, ఉద్యోగ సంఘాల నేతలతో కూడా చంద్రబాబు మాట్లాడనున్నారు. హైదరాబాద్ సచివాలయానికి చంద్రబాబు గత 83 రోజులుగా దూరంగా ఉన్నారు.