హైదరాబాద్: తెలంగాణ రాష్ట్ర ఆహార భద్రతా నియామావళి ముసాయిదాను శనివారం ప్రభుత్వం విడుదల చేసింది. ఈ మేరకు పౌరసరఫరాలశాఖ ఉత్తర్వులు జారీ చేసింది. ముసాయిదాపై అభ్యంతరాలు, సలహాలకు ప్రభుత్వం అవకాశం కల్పించింది.

హైదరాబాద్: తెలుగు రాష్ట్రాల గవర్నర్‌ నరసింహన్‌ను శనివారం ఆంధ్రప్రదేశ్‌ ముఖ్యమంత్రి చంద్రబాబునాయుడు కలిశారు. రాజ్‌భవన్‌లో గవర్నర్‌ను మర్యాదపూర్వకంగా కలిశారు. చంద్రబాబుతో పాటు కేంద్రమంత్రి సుజనాచౌదరి కూడా ఉన్నారు.

హైదరాబాద్‌: నగర అభివృద్ధిలో రియల్‌ ఎస్టేట్‌ వ్యాపారులు కీలకపాత్ర పోషించాలని తెలంగాణ ముఖ్యమంత్రి కేసీఆర్‌ అన్నారు. శనివారం సీఎం కేసీఆర్‌ను స్థిర వ్యాపార అభివృద్ధి సంఘాల సమాఖ్య ప్రతినిధులు కలిశారు. ఈ సందర్భంగా సీఎం మాట్లాడుతూ.. హైదరాబాద్‌ను అంతర్జాతీయస్థాయి నగరంగా తీర్చిదిద్దాలని అన్నారు.

హైదరాబాద్ : చెక్‌బౌన్స్ కేసులో జీవితారాజశేఖర్‌కు ఊరట లభించింది. ఎర్రమంజిల్ కోర్టు ఆమెపై ఉన్న కేసును కొట్టివేసింది. ఎవడైతే నాకేంటి అనే సినిమాకుగాను జీవిత సామా చంద్రశేఖర్ రెడ్డి వద్ద ఆమె రుణం తీసుకుంది. ఈ రుణం చెల్లింపునకుగాను ఆమె ఇచ్చిన చెక్స్ బౌన్స్ అవ్వటంతో సామ చంద్రశేఖర్‌రెడ్డి కోర్టును ఆశ్రయించారు.