రాష్ట్రీయం
మా గ్రామాలు ఉంటాయా?
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు, నవంబర్ 27: కేంద్ర రాజధాని ప్రాంతమైన ఉద్దండరాయునిపాలెం వరకు నాలుగులేన్ల రోడ్డును నిర్మించాలని ప్రభుత్వం నిర్ణయం తీసుకున్నట్లు ప్రచారం జరుగుతుండటంతో రాజధాని ప్రాంత గ్రామాల ప్రజలు ఆందోళన చెందుతున్నారు. రాష్ట్ర ప్రభుత్వం భూసమీకరణను ప్రారంభించిన సమయంలో నిద్రలేని రాత్రుళ్లు గడిపిన వివిధ గ్రామాల ప్రజలు..మళ్లీ అదే పరిస్థితి నెలకొందని వ్యాఖ్యానిస్తున్నారు. ప్రభుత్వం తలపెట్టిన నాలుగు లేన్ల రోడ్డు సుమారు 16.5 కిలోమీటర్లు కొనసాగుతుండటంతో ఏ గ్రామాల మీదుగా రహదారి పోతుందో అర్థంగాక తలలు పట్టుకుంటున్నారు. ముఖ్యంగా ఉండవల్లి, పెనుమాక గ్రామాల ప్రజలు 200 అడుగుల రోడ్డు వేస్తే తమ గ్రామమే ఉండదని వ్యాఖ్యానిస్తున్నారు. ఇప్పటికే కృష్ణమ్మ వారధిపై తలపెట్టిన బ్రిడ్జి వలన వెంకటపాలెం గ్రామస్థులు ఆందోళన వ్యక్తం చేస్తున్నారు. బ్రిడ్జి కృష్ణానదిపైగా వెళ్లిన పక్షంలో తమ గ్రామానికి ఇబ్బంది అని వెంకటపాలెం రైతులు అంటున్నారు. అయితే ప్రభుత్వం తాడేపల్లి మండలం సీతానగరం వద్ద గల కొండను నాలుగు లేన్ల రోడ్డుకు అనువుగా సొరంగాలు తవ్వి నిర్మించాలని ముఖ్యమంత్రి చంద్రబాబు స్వయంగా ఆదేశించారని తెలియటంతో ఉండవల్లి, పెనుమాక, కృష్ణాయపాలెం, వెలగపూడి, మందడం గ్రామాల ప్రజలు ఆందోళన వ్యక్తం చేస్తున్నారు. తాడేపల్లి మండలంలోని కృష్ణకెనాల్ జంక్షన్ సమీపం నుంచి నాలుగులైన్ల రహదారి నిర్మితమవుతుందనే ప్రచారం కూడా జరుగుతోంది. సిఆర్‌డిఎ సిఇ కాశీవిశే్వశ్వరరావు మాట్లాడుతూ రెండు నెలల్లో రహదారులపై స్పష్టత వస్తుందన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.