హైదరాబాద్‌ : జీహెచ్‌ఎంసీ ఎన్నికల్లో పోటీ చేయడం లేదని వైసీపీ బుధవారం అధికారికంగా ప్రకటించింది. ఈ మేరకు ఆ పార్టీ తెలంగాణ అధ్యక్షుడు ఎంపీ పొంగులేటి శ్రీనివాస్‌ రెడ్డి పేరున లేఖ విడుదల చేశారు. తెలంగాణలో పార్టీ బలోపేతానికి ప్రస్తుతం దృష్టి పెట్టినట్లు ఆయన వెల్లడించారు.

హైదరాబాద్‌: ఆంధ్రప్రదేశ్‌ తాత్కాలిక సచివాలయానికి రూ.180 కోట్లతో రేపు టెండర్లు ఆహ్వానించనున్నట్లు రాష్ట్ర పురపాలకశాఖ మంత్రి నారాయణ తెలిపారు. సచివాలయం వెలగపూడిలో ఏర్పాటు చేయనున్నట్లు మంత్రివర్గ ఉపసంఘం సమావేశంలో ఈ మేరకు నిర్ణయం తీసుకున్నట్లు మంత్రి తెలిపారు. 6లక్షల చదరపు అడుగుల విస్తీర్ణంలో రెండస్తుల్లో సచివాలయం నిర్మించనున్నట్లు తెలిపారు.

హైదరాబాద్ : తెలంగాణాలో పుట్టిన ప్రతి బిడ్డ తెలంగాణ వారేనని రేవంత్ అన్నారు. జీహెచ్ఎంసీ ఎన్నికల నేపథ్యంలో మంత్రి కేటీఆర్ ప్రజలను వంచించే మాటలు మాట్లాడుతున్నారని ఆయన ఆరోపించారు. హైదరాబాద్ లో టీడబ్ల్యూజేెఎఫ్ ఆధ్వర్యంలో జరిగిన మీట్ ది ప్రెస్ కార్యక్రమంలో రేవంత్ మాట్లాడారు.

హైదరాబాద్ : ఏపీలో 600 మంది వైద్యులకు ప్రభుత్వం షోకాజ్ నోటీసులు జారీ చేసింది. మూడు నెలలకు పైగా విధులకు గైర్హాజరవుతున్న దాదాపు 600 మందికి పైగా వైద్యులను గుర్తించి షోకాజ్ నోటీసుల జారీ చేసింది. వీరంతా ఆంధ్రప్రదేశ్ వైద్య విధాన పరిషత్‌లో పనిచేస్తున్నారు. వైద్యుల గైర్హాజరు వల్ల దాదాపు రూ.150 కోట్ల విలువైన వైద్య పరికరాలు నిరుపయోగంగా ఉంటున్నాయి.