తిరుమల, జనవరి 14: మూడు వందల రూపాయలు చెల్లించి, ప్రత్యేక దర్శనంలో శ్రీవారిని దర్శించుకునే భక్తులకు శుభవార్త! ఇందుకోసం ఆన్‌లైన్‌లో టిక్కెట్లు బుక్ చేసుకున్న ప్రతి భక్తుడికి శుక్రవారం నుండి సంక్రాంతి కానుకగా అదనంగా రెండు లడ్డూలను విక్రయించాలని ఈవో సాంబశివరావు నిర్ణయించారు. ప్రస్తుతం ఆరుగురు కుటుంబ సభ్యులు కలిగిన భక్తులు 300 రూపాయల టిక్కెట్లు కొంటే వారికి ఉచితంగా 12 లడ్డూలను టిటిడి అందిస్తోంది.

హైదరాబాద్‌: సంక్రాంతి సంబురాలను పురస్కరించుకుని రంగారెడ్డి జిల్లా మహేశ్వరం మండలం రావిరాలలో అగాఖాన్‌ అకాడమీ ప్రాంగణంలో రెండు రోజులపాటు జరగనున్న అంతర్జాతీయ పతంగుల పండుగను తెలంగాణ రాష్ట్ర పర్యాటకశాఖమంత్రి అజ్మీరా చందూలాల్‌ ప్రారంభించారు.

హైదరాబాద్ : సంక్రాంతి సంబురాలు రాష్ట్రవ్యాప్తంగా ఘనంగా జరుపుకుంటున్నారు. ఈమేరకు ఇవాళ నగరంలోని పీపుల్స్ ప్లాజాలో తెలంగాణ జాగృతి ఆధ్వర్యంలో పతంగుల పండుగ సంబురాలను ఏర్పాటు చేశారు. ఈ కార్యక్రమానికి ఎంపీ కల్వకుంట్ల కవిత హాజరయ్యారు. రైట్ టు ఓట్ ఛాంపియన్‌ను ప్రారంభించారు. పెద్ద ఎత్తున జాగృతి కార్యకర్తలు పతంగుల పండుగలో పాల్గొన్నారు.

హైదరాబాద్ : తెలంగాణ టీడీపీ ఫైర్ బ్రాండ్ మోత్కుపల్లి నర్సింహులు కంటతడి పెట్టారు.తెలంగాణలో టీ.టీడీపీ నేతలకు అడుగడుగునా అవమానాలు ఎదురవుతున్నాయని ఆవేదన చెందారు. ఎన్టీఆర్ ఆశయ సాధనకు పార్టీని బతికించుకోవాల్సిన అవసరం ఉందన్నారు. ఆత్మీయ కలయిక పేరిట నియోజకవర్గంలో తలపెట్టిన కార్యక్రమానికి నాందిగా ఎన్టీఆర్ భవన్‌లో మోత్కుపల్లి ఓ కార్యక్రమం నిర్వహించారు. ఎన్టీఆర్ విగ్రహానికి నివాళులర్పించారు.