విశాఖపట్నం, జనవరి 12: రాష్ట్రంపై కేంద్రం కరుణ చూపి వరాల వర్షం కురిపించింది. విశాఖలో సిఐఐ ఆధ్వర్యంలో మూడు రోజులపాటు జరిగిన భాగస్వామ్య సదస్సు మంగళవారంతో ముగిసింది. ముగింపు సమావేశానికి కేంద్ర ఎరువులు, రసాయనాల శాఖ మంత్రి అనంత కుమార్ ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ ఆంధ్రప్రదేశ్‌ను ఫార్మా హబ్‌గా తీర్చిదిద్దుతామని చెప్పారు.

హైదరాబాద్ : అమెరికా నుంచి తిరిగి వస్తున్న విద్యార్థులకు న్యాయం చేయాలని కోరుతూ సీపీఐ, ఏఐఎస్‌ఎఫ్ ఆధ్వర్యంలో అమెరికా కాన్సులేట్ కార్యాలయం ఎదుట ధర్నా నిర్వహించటానికి ప్రయత్నించారు. అయితే పోలీసులు మధ్యలోనే నాయకులను అరెస్టు చేశారు. ఈ సందర్భంగా సీపీఐ నేత నారాయణ మాట్లాడుతూ విద్యార్థులకు న్యాయం జరిగే వరకు పోరాటం చేస్తామని అన్నారు.

విశాఖపట్నం, జనవరి 11: భాగస్వామ్య సదస్సులో యంత్రాగాన్ని కలవరపెట్టేలా సోమవారం భద్రతా వైఫల్యాలు చోటు చేసుకున్నాయి. దేశ, విదేశాల నుంచి వచ్చిన పారిశ్రామిక దిగ్గజాలు, రాష్ట్ర ముఖ్యమంత్రి సహా పలువురు కీలక కేంద్ర మంత్రులు, రాష్ట్ర మంత్రివర్గ ప్రతినిధులు హాజరైన సదస్సుకు విస్తృత బందోబస్తు ఏర్పాట్లు చేసిన్నట్టు పోలీసు అధికారులు చెప్పుకొచ్చారు.

విశాఖపట్నం, జనవరి 11: విశాఖపట్నం- చెన్నై కారిడార్ అభివృద్ధికి 840 మిలియన్ డాలర్లు ఖర్చవుతుందని ఆసియా అభివృద్ధి బ్యాంక్ కంట్రీ డైరెక్టర్ థెరిస్సాకో వెల్లడించారు. విశాఖలో జరుగుతున్న సిఐఐ భాగస్వామ్య సదస్సులో సోమవారం ఆమె మాట్లాడుతూ ఇందులో ఎడిబి 625 మిలియన్ డాలర్లు రుణంగా ఇస్తుందన్నారు. ఆంధ్రప్రదేశ్ ప్రభుత్వం 215 మిలియన్ డాలర్లు వెచ్చించాల్సి వస్తుందని చెప్పారు.