న్యూఢిల్లీ, డిసెంబర్ 2: భారత్, దక్షిణాఫ్రికా జట్ల మధ్య గురువారం నుంచి ప్రారంభం కానున్న నాలుగో, చివరి టెస్టులో అందరి దృష్టి ఆటగాళ్ల కంటే ఎక్కువగా పిచ్‌పై కేంద్రీకృతమైంది. మొహాలీ వికెట్‌పై పరుగులు రాబట్టుకోవడం కష్టంకాగా, వికెట్లు పేకముక్కల్లా కూలాయి. బెంగళూరు టెస్టు వర్షం కారణంగా డ్రాగా ముగిసినప్పటికీ, ఆట సాధ్యమైన ఒక్క రోజే 12 వికెట్లు పడ్డాయి. నాగపూర్ టెస్టు రెండున్నర రోజుల్లోనే ముగిసింది.

సిద్దిపేట, డిసెంబర్ 2 : క్రీడలు మానసికోల్లాసానికి దోహదం చేస్తాయని, గెలుపు, ఓటములను క్రీడాస్ఫూర్తితో తీసుకోవాలని భారత మాజీ క్రికెటర్, కోచ్ అబీద్ అలీ అన్నాడు. మెదక్ జిల్లా సిద్దిపేట మినీస్టేడియంలో బుధవారం తెలంగాణ క్రికెట్ అసోసియేషన్ ఆధ్వర్యంలో నిర్వహించిన జిల్లా స్థాయి పోటీలను ప్రారంభించిన ఆయన మాట్లాడుతూ క్రీడాకారులు ఆటపై ప్రత్యేక దృష్టి సారించాలన్నాడు.

రాయ్‌పూర్, డిసెంబర్ 2: హాకీ వరల?డ లీగ్ (హెచ్‌డబ్ల్యుఎల్) ఫైనల్స్‌లో భారత జట్టు ముందంజ వేయడం కష్టంగా కనిపిస్తున్నది. నిలకడ లోపించిన ఈ జట్టు గురువారం నాటి క్వార్టర్ ఫైనల్స్‌లో పటిష్టమైన గ్రేట్ బ్రిటన్‌ను ఢీ కొనాల్సి ఉంది. పూల్ ‘బి’ నుంచి పోటీపడుతున్న భారత్ ఇప్పటి వరకూ ఆడిన మూడు మ్యాచ్‌ల్లో ఒక్క విజయాన్ని కూడా నమోదు చేయలేకపోయింది.

చెన్నై, డిసెంబర్ 1: సెర్బియాకు చెందిన ప్రపంచ మాజీ ఎనిమిదో ర్యాంకు ఆటగాడు జాంకో తిప్సెర్విచ్ వచ్చే 4వ తేదీ నుంచి 10వ తేదీ వరకు జరిగే చెన్నై ఓపెన్ 20వ ఎడిషన్ టెన్నిస్ టోర్నమెంట్‌లో పాల్గొననున్నట్లు ధ్రువీకరించాడు. ప్రపంచ ర్యాంకింగ్స్‌లో తొలి 50 స్థానాల్లో కొనసాగుతున్న ఆటగాళ్లకు చెన్నై ఓపెన్ మెయిన్ డ్రాలో నేరుగా చోటు కల్పిస్తున్న విషయం విదితమే.