న్యూఢిల్లీ, నవంబర్ 25: ఆత్మరక్షణలో పడిన సర్కారుపై ముప్పేట దాడికి సమైక్య ప్రతిపక్షం సిద్ధమవుతోంది. దీంతో గురువారం నుంచి ప్రారంభం కానున్న పార్లమెంట్ శీతకాలం సమావేశాలపై ఉత్కంఠ నెలకొంది. బిహారు విధానసభ ఎన్నికల్లో ఎదురైన ఘోర పరాజయం, పెరుగుతున్న ధరలు, అసహనంపై పెల్లుబుకుతున్న నిరసనలతో ఇరుకునపడిన మోదీ సర్కారుపై కత్తులు దూసేందుకు విపక్షాలు సిద్ధమయ్యాయి.

ముంబై: దేశంలో అసహన పరిస్థితులు నెలకొన్నాయని ఆరోపిస్తూ దేశం విడిచి వెళ్దామని తన భార్య ఆందోళనపడిందని వ్యాఖ్యానించిన అమీర్ ఖాన్ వివరణ ఇచ్చారు. తన ఇంటర్వ్యూ పూర్తిగా చూడనివాళ్లే కావాలని తనమీద బురదజల్లేందుకు ప్రయత్నించారని, తన వ్యాఖ్యలను వక్రీకరించారని అన్నాడు. భారతదేశం తన మాతృభూమి అని, తానీ దేశాన్ని ప్రేమిస్తున్నానని చెబుతూ, ఇక్కడ పుట్టినందుకు తనను తాను అదృష్టవంతుడిగా భావిస్తున్నట్లు తెలిపాడు.

బెంగళూరు : బీహార్‌లో నితీశ్ ప్రభుత్వాన్ని సమర్థిస్తూ కాంగ్రెస్ పార్టీ నిర్ణయం తీసుకుందని ఏఐసీసీ ఉపాధ్యక్షుడు రాహుల్ గాంధీ తెలిపారు. ఆయన బుధవారంనాడు మీడియాతో మాట్లాడుతూ నితీశ్ నిజాయితీపరుడని అన్నారు. లాలూ అవినీతికి ఆయన కుమారులకు ఎలాంటి సంబంధం లేదని అన్నారు.

జమ్ము కాశ్మీర్‌: కుప్వారా జిల్లా టాంగ్దర్‌ సెక్టార్‌లో సైనిక శిబిరాలపై ఉగ్రవాఉదులు కాల్పులు జరిపారు. అప్రమత్తమైన భారత జవాన్లు ఉగ్రవాదుల దాడిని తిప్పికొట్టారు. ఈ దాడిలో పాల్గొన్న ముగ్గురు ఉగ్రవాదుల్ని సైన్యం మట్టుబెట్టినట్లు భద్రతా దళాలు తెలిపాయి. దాదాపు ఏడు గంటల పాటు ఇరు వర్గాల మధ్యా ఎదురు కాల్పులు జరిగాయని చెప్పాయి.