బెంగళూరు, ఏప్రిల్ 16: కర్నాటకలో ఖరీదైన బహుమతుల వార్తలు కలకలం రేపుతున్నాయి. లక్షలాది రూపాయల హాబ్లెట్ వాచీ ముఖ్యమంత్రి సిద్దరామయ్య గిఫ్ట్‌గా పొందారన్న వార్తలు ఆ మధ్య పెద్ద దుమారానే్న రేపాయి. ఈ వివాదం నుంచి సిఎం అతికష్టం మీద బయటపడ్డారు. తాజాగా బిజెపి రాష్ట్ర అధ్యక్షుడు యెడ్యూరప్ప ల్యాండ్ క్రూయిజర్ కారు వార్తల్లోకి ఎక్కింది.

భోపాల్, ఏప్రిల్ 16: భారత రాజ్యాంగం రాజ్యంలోని మూడు వ్యవస్థల మధ్య స్పష్టమైన అధికారాల విభజనను ఏర్పాటు చేసిందని పేర్కొంటూ న్యాయ వ్యవస్థ క్రియాశీలత ఈ అధికారాల విభజనను నీరుగార్చడానికి దారితీయకూడదని రాష్టప్రతి ప్రణబ్ ముఖర్జీ న్యాయమూర్తులకు సూచించారు.

ముంబయి: ఇక్కడి లీలావతి ఆస్పత్రిలో బాలీవుడ్ అగ్రనటుడు దిలీప్‌కుమార్ (93) క్రమంగా కోలుకుంటున్నారు. ఈ విషయమై దిలీప్ భార్య, అలనాటి నటి సైరాబాను శనివారం ఒక ప్రకటన చేశారు. జ్వరం, ఛాతీనొప్పి రావడంతో ఆయనను శుక్రవారం అర్ధరాత్రి దాటాక రెండున్నర గంటల సమయంలో ఆస్పత్రిలో చేర్పించామని ఆమె పేర్కొన్నారు. కాగా, మరో 72 గంటల వరకూ దిలీప్ ఆరోగ్య పరిస్థితి క్లిష్టంగానే ఉంటుందని ఆస్పత్రి వైద్యులు చెబుతున్నారు.

దిల్లీ: ట్రాఫిక్, కాలుష్యం సమస్యలపై ప్రజలకు అవగాహన కలగాలన్న ఉద్దేశంతో దిల్లీ ఉప ముఖ్యమంత్రి మనీష్ సిసోదియా శనివారం తన కార్యాలయానికి సైకిల్ తొక్కుతూ వచ్చారు. దేశ రాజధానిలో ట్రాఫిక్, వాయు, శబ్దకాలుష్యాలు నానాటికీ మితిమీరుతున్నాయన్నారు. కార్లు, ఆటోల యజమానులు ప్రభుత్వానికి సహకరించి దిల్లీలో ‘సరి, బేసి’ సంఖ్య విధానంలో వాహనాలు నడిపేందుకు ముందుకు రావాలన్నారు.