దిల్లీ: ఉత్తరాఖండ్ శాసనసభలో జరిగిన బలపరీక్షలో మాజీ సిం హరీష్ రావత్ గెలిచినట్లు సుప్రీం కోర్టు బుధవారం ప్రకటించింది. బలపరీక్షకు 61 మంది ఎమ్మెల్యేలు హాజరుకాగా, వారిలో 33 మంది హరీష్ రావత్‌కు అనుకూలంగా చేతులెత్తారు. మంగళవారం ఉదయం బలపరీక్ష జరిగినప్పటికీ ఫలితాన్ని సీల్డ్‌కవర్‌లో ఉంచి ప్రభుత్వ ప్రధాన కార్యదర్శి సుప్రీం కోర్టుకు పంపారు.

పాట్నా: బిహార్‌లో అధికార జెడియు పార్టీకి చెందిన ఎమ్మెల్సీ మనోరమ దేవి కోసం పోలీసులు గాలిస్తున్నారు. తన కారును ఓవర్‌టేక్ చేశాడన్న ఆగ్రహంతో మనోరమ కుమారుడు రాకీయాదవ్ గయలో ఓ యువకుడిని తుపాకీతో కాల్చి చంపిన సంగతి తెలిసిందే. మంగళవారం రాకీని పోలీసులు అరెస్టు చేసి కోర్టులో ప్రవేశపెట్టారు. మనోరమ ఇంట్లో సోదాలకు వెళ్లిన పోలీసులు అక్కడ మద్యం సీసాలు స్వాధీనం చేసుకుని ఆమెపై కేసు నమోదు చేశారు.

న్యూఢిల్లీ, మే 10: ప్రభుత్వ పథకాల సబ్సిడీలు లబ్ధిదారుల ఖాతాల్లోకే నేరుగా జమచేయాలన్న ఉద్దేశంతో ప్రవేశపెట్టిన నగదు బదిలీ పథకం (డిబిటి) అమలు తీరుపై కేంద్రం సంతృప్తి వ్యక్తం చేసింది. డిబిటివల్ల మంచి ఫలితాలు వస్తున్నాయని ప్రధాని నరేంద్ర మోదీ అధ్యక్షతన జరిగిన ఉన్నతస్థాయి సమావేశం అభిప్రాయపడింది.

న్యూఢిల్లీ, మే 10: తమిళనాడు, కేరళ ఎన్నికల ప్రచార సభల్లో ప్రధానమంత్రి తనపై చేసిన వ్యాఖ్యలపై సోనియా భావోద్వేగ ప్రతిస్పందనను బీజేపీ సీనియర్ నేత సుబ్రహ్మణ్యస్వామి ఎద్దేవా చేశారు. ‘ఇది నా దేశం. నా రక్తం, ప్రియమైన మీలో కలిసిపోయింది. నా తుది శ్వాస ఇక్కడే తీసుకుంటాను. నా చితాభస్మం ఇక్కడే కలిసిపోతుంది. భారత దేశం పట్ల నా అంకిత భావాన్ని, ప్రేమను ఆయన తీసుకుపోలేరు.