న్యూఢిల్లీ, మే 10: రాజ్యసభ కార్యకలాపాల్లో అధికార, ప్రధాన విపక్షాలకు తప్ప మిగతా పార్టీలకు గుర్తింపు లేకుండా పోతోందని సమాజ్‌వాదీ సభ్యురాలు జయాబచ్చన్ ఆవేదన వ్యక్తం చేశారు. రాష్టప్రతి పాలన అమల్లో ఉన్న ఉత్తరాఖండ్ రాష్ట్ర బడ్జెట్‌కు సంబంధించిన బిల్లుపై అధికార బీజేపీ, ప్రధాన విపక్షం కాంగ్రెస్‌ల మధ్య పెద్దఎత్తున నినాదాలు.. వాగ్యుద్ధం జరుగుతున్న సమయంలో జయాబచ్చన్ తీవ్రంగా స్పందించారు.

న్యూఢిల్లీ, మే 10: ఉత్తరాఖండ్‌లో బలపరీక్ష ప్రజాస్వామ్యానికి విజయమని కాంగ్రెస్ అధ్యక్షురాలు సోనియా గాంధీ అభివర్ణించారు. మంగళవారం ఉత్తరాఖండ్ అసెంబ్లీలో బలపరీక్ష ముగిసిన తర్వాత సోనియా మీడియాతో మాట్లాడారు. బుధవారం సుప్రీంకోర్టు అధికారికంగా ఫలితాలను ప్రకటించిన తర్వాత పార్టీ వైఖరి తెలియజేస్తామని పార్టీ ప్రతినిధి అభిషేక్ సింఘ్వి చెప్పారు.

న్యూఢిల్లీ, మే 10: దేశంలో, ముఖ్యంగా రెండు తెలుగు రాష్ట్రాల్లో నెలకొన్న తాగునీటి ఎద్దడిని శాశ్వతంగా నివారించేందుకు యుద్ధ ప్రాపతిపదికపై చర్యలు చేపట్టాలని వైకాపా లోక్‌సభ పక్షం నాయకుడు మేకపాటి రాజమోహన్‌రెడ్డి డిమాండ్ చేశారు. మంగళవారం లోక్‌సభలో కరవుపై జరిగిన చర్చలో ఆయన పాల్గొంటూ, ప్రజలకు తాగు నీటిని అందించలేని ప్రభుత్వాలు ఉంటే ఎంత, పోతే ఎంత అని ఆయన విమర్శించారు.

పనాజీ, మే 10: ఖనిజాల తవ్వకంలో అక్రమాలను నిరోధించడం, ఇ-వేలం ద్వారా గనులను కేటాయించడం తదితర అంశాలపై చర్చించేందుకు కేంద్ర ప్రభుత్వం ఈ నెల 27వ తేదీన గోవాలో అన్ని రాష్ట్రాలతో కీలక సమావేశాన్ని నిర్వహించనుంది. గోవా రాష్ట్ర గనులు, భూగర్భ శాఖకు చెందిన సీనియర్ అధికారి ఒకరు మంగళవారం ఈ విషయాన్ని వెల్లడించారు.