న్యూఢిల్లీ, జూలై 19: ఒకే వ్యక్తికి రెండు యావజ్జీవ ఖైదును విధించినప్పటికీ వాటిని ఏకకాలంలో అమలు చేయాలే తప్ప ఒకదాని తర్వాత ఒకటిగా కాదని సుప్రీం కోర్టు స్పష్టం చేసింది. ఒకదాని తర్వాత ఒకటిగా యావజ్జీవ శిక్షల్ని అమలు చేయడం నిర్హేతుకమని, మనిషికి ఒకే జన్మ అన్న వౌలిక భావనకు ఇది విరుద్ధమని ప్రధాన న్యాయమూర్తి టిఎస్ ఠాకూర్ సారథ్యంలోని ఐదుగురు సభ్యుల సుప్రీం కోర్టు రాజ్యాంగ ధర్మాసనం స్పష్టం చేసింది.

న్యూఢిల్లీ, జూలై 19: ఉగ్రవాదం ఏ రూపంలో ఉన్నా దాన్ని తుడిచిపెట్టాలని, నిస్సహన వైఖరితో తరిమికొట్టాలని భారత లోక్‌సభ మంగళవారం ప్రపంచ దేశాలకు పిలుపునిచ్చింది. ఉగ్రవాద మహమ్మారిని ఎదుర్కొనే విషయంలో ఎవరికి వారుగా కాకుండా ఉమ్మడి వ్యూహంతో సంఘటితంగామే ముందుకు వెళ్లాలని పిలుపునిచ్చింది. ప్రపంచవ్యాప్తంగా ఇటీవల జరిగిన ఉగ్రవాద దాడుల్లో మరణించిన వారి కుటుంబాలకు ఘన నివాళులర్పించింది.

న్యూఢిల్లీ, జూలై 19: రాజ్యసభలో కాంగ్రెస్ సభ్యుడు కెవిపి రామచంద్రరరావు ప్రతిపదించిన ప్రయవేట్ బిల్లుకు అంశాలవారీగా తెరాస మద్దతిస్తుందని ఐటి మంత్రి తారక రామారావు వెల్లడించారు. మంగళవారం ఢిల్లీలో తనను కలిసిన విలేఖర్లతోతో మాట్లాడుతూ హైకోర్టు విభజనకు అనుకూలంగా ఉన్న అంశాలకు సంబంధించి బిల్లు ఎవరు ప్రతిపదించినా మద్దతిస్తామన్నారు.

దిల్లీ: బిజెపి దిల్లీ శాఖలో కీలక బాధ్యతలు నిర్వహించిన మాజీ క్రికెటర్, ఎంపి కీర్తి అజాద్ భార్య పూనమ్ ఆమ్ ఆద్మీ పార్టీలో చేరతారన్న ఊహాగానాలు చెలరేగుతున్నాయి. రాజ్యసభకు, బిజెపికి నవ్‌జ్యోత్‌సింగ్ సిద్ధూ రాజీనామా చేసిన నేపథ్యంలో కీర్తి అజాద్ భార్య కూడా బిజెపికి రాజీనామా చేస్తారన్న ప్రచారం జరుగుతోంది.