న్యూఢిల్లీ, జూలై 18: కొందరు న్యాయాధికారులు తమ స్వార్థ ప్రయోజనాల కోసం న్యాయ వ్యవస్థను రోడ్డుకీడ్చి పరిస్థితులను విషపూరితం చేశారని దేశ అత్యున్నత న్యాయస్థానం సంచలన వ్యాఖ్యలు చేసింది. తెలంగాణకు చెందిన కొందరు న్యాయాధికారులు రోడ్డెక్కి ధర్నాలు, ఆందోళనలకు దిగడంపై సుప్రీం కోర్టు తీవ్ర ఆగ్రహం వ్యక్తం చేసింది.

పాట్నా, జూలై 18: బీహార్‌లోని గయలో సోమవారం రాత్రి పొద్దుపోయిన తరువాత జరిగిన నక్సల్ దాడిలో ఎనిమిది మంది సిఆర్‌పిఎఫ్ కమాండోలు మరణించారు. కోబ్రా కమాండోలతో కలిసి సిఆర్‌పిఎఫ్ దళాలు తిరిగి వస్తున్న సమయంలో ఐఈడీ పేలుళ్లకు నక్సల్స్ పాల్పడటంతో ఈ సంఘటన జరిగింది. మరణించిన ఎనిమిది మంది సిఆర్‌పిఎఫ్ కోబ్రా కమాండోలేనని స్పష్టం అవుతోంది.

న్యూఢిల్లీ, జూలై 18: పంజాబ్‌కు చెందిన సీనియర్ నాయకుడు, నవజ్యోత్‌సింగ్ సిద్దు సోమవారం రాజ్యసభ సభ్యత్వంతోపాటు బిజెపి ప్రాథమిక సభ్యత్వానికి రాజీనామా చేశారు. మాజీ క్రికెటర్ సిద్దు నిర్ణయం ప్రధాని నరేంద్ర మోదీ, పార్టీ అధ్యక్షుడు అమిత్ షాకు షాక్ ఇచ్చేదే.

ముంబై, జూలై 18: అహ్మద్ నగర్ జిల్లాలో మైనర్ బాలికపై జరిగిన సామూహిక అత్యాచారం వ్యవహారం మహారాష్ట్ర ఉభయసభలను స్తంభింపజేసింది. సోమవారం నుంచి ప్రారంభమైన వర్షాకాల సమావేశాల్లో తొలిరోజే కాంగ్రెస్, ఎన్‌సిపిలు ముఖ్యమంత్రి దేవేంద్ర ఫడ్నవిస్ ప్రభుత్వాన్ని టార్గెట్ చేసుకున్నాయి. పదిహేనేళ్ల అమ్మాయిపై గతవారం ముగ్గురు వ్యక్తులు దారుణంగా అత్యాచారానికి ఒడిగట్టి అతికిరాతకంగా హత్యచేసిన సంగతి తెలిసిందే.