విజయవాడ: కాపు గర్జన సందర్భంగా గత నెల 31న రత్నాచల్ ఎక్స్‌ప్రెస్‌తోపాటు రెండు పోలీసుస్టేషన్లను, పలు వాహనాలను దగ్ధం చేసిన ఘటనలో పోలీసులకు కీలక సమాచారం లభించినట్లు తెలిసింది. రత్నాచల్‌పై దాడి చేసిన వారి ఫొటోలను పోలీసులు సేకరించారు. వాటి ఆధారంగా దర్యాప్తును ముమ్మరం చేశారు.

చిత్తూరు: తిరుపతి సమీపంలోని శేషాచలం అడవుల్లో ఎర్రచందనం స్మగ్లర్లు, కూలీల కోసం టాస్క్ఫోర్స్ పోలీసులు మంగళవారం ఉదయం నుంచీ కూంబింగ్ నిర్వహిస్తున్నారు. కొంతమంది ఎర్రచందనం కూలీలు తారసపడటంతో పోలీసులు గాలిలోకి కాల్పులు జరిపారు. దీంతో భయపడిన కూలీలు పరారయ్యారు. పెద్ద మొత్తంలో ఎర్రచందనం దుంగలను పోలీసులు స్వాధీనం చేసుకున్నారు.

గుంటూరు: వివాదాలకు నిలయంగా మారిన ఇక్కడి నాగార్జున యూనివర్సిటీలో ఓ విద్యార్థిని స్నానం చేస్తుండగా ఓ విద్యార్థి రహస్యంగా సెల్‌ఫోన్‌లో చిత్రీకరించిన ఘటన సంచలనం రేపింది. ఆ విద్యార్థిని కేకలు వేయడంతో నిందితుడు శ్రీకర్ అక్కడి నుంచి పరారయ్యాడు. ఇండస్ట్రియల్ టూర్‌కు హైదరాబాద్ నుంచి వచ్చిన విద్యార్థిని నాగార్జున విశ్వవిద్యాలయంలో బస చేయగా, ఈ ఘటన జరిగింది.

విజయవాడ: ఆంధ్ర పర్యాటకరంగ సిగలో మరో కలికితురాయి వచ్చి చేరనుంది. యుద్ధనౌక ఐఎన్‌ఎస్ విరాట్‌ను రాష్ట్రానికి అప్పగించేందుకు భారత నావికాదళం అంగీకరించినట్టు సిఎం చంద్రబాబు ప్రకటించారు. విరాట్‌రాకతో పర్యాటకులను మరింతగా ఆకట్టుకోవచ్చని అన్నారు. యుద్ధనౌకగా నావికా రంగానికి ఇన్నాళ్లూ సేవలందించిన విరాట్, ఇక ఏపీ పర్యాటక రంగానికి ప్రధాన ఆకర్షణగా మారనుంది.