కాకినాడ: ప్రభుత్వ దూతలు ఇచ్చిన హామీలతో తాను దీక్ష విరమించానని, కాపులు మళ్లీ రోడ్కెక్కితే ఆ బాధ్యత సిఎం చంద్రబాబుదేనని మాజీ మంత్రి ముద్రగడ పద్మనాభం అన్నారు. ఆయన సోమవారం మధ్యాహ్నం ఆమరణ దీక్ష విరమించిన అనంతరం విలేఖరులతో మాట్లాడుతూ, గత అసెంబ్లీ ఎన్నికల ముందు కాపులకు ఇచ్చిన వాగ్దానాలను అమలు చేయకుంటే మళ్లీ ఉద్యమిస్తాన్నారు.

రాజమండ్రి: ఆమరణ దీక్ష చేస్తున్న కాపు ఉద్యమనేత ముద్రగడ పద్మనాభంను పరామర్శించేందుకు వెళుతున్న కాంగ్రెస్ నాయకులు చిరంజీవి, పళ్లంరాజు, వట్టి వసంతకుమార్, సి.రామచంద్రయ్యలను సోమవారం రాజమండ్రి (మధురపూడి) ఎయిర్‌పోర్టులో పోలీసులు నిర్బంధించారు. నిషేధాజ్ఞల కారణంగా వీరు కిర్లంపూడికి వెళ్లరాదని పోలీసులు తేల్చిచెప్పారు.

రాజమండ్రి: కిర్లంపూడిలో ఆమరణ దీక్ష చేస్తున్న కాపు నేత ముద్రగడ పద్మనాభంను పరామర్శించేందుకు వెళ్తున్న తనను పోలీసులు అడుగడుగునా అడ్డుకుంటున్నారని, మాజీ కేంద్ర మంత్రి దాసరి నారాయణరావు ఆరోపించారు. రాజమండ్రిలోని ఓ హోటల్‌లో తాను ఉండాలని, ఎక్కడికీ వెళ్లడానికి వీలులేదని పోలీసు అధికారులు ఆదేశించారనీ, ఇంతకీ తాను దేశ పౌరుడినా? లేక ఉగ్రవాదినా? అని ప్రశ్నించారు. కాపుల రిజర్వేషన్ సమస్యను ఎ.పి.

శ్రీకాకుళం: మహోదయ ఘడియలు ప్రారంభం కావటంతో శ్రీకాకుళం జిల్లా బారువ వద్ద మహేంద్రతనయ నది సముద్రంలో కలిసే చోట సోమవారం ఉదయం పుణ్యస్నానాలు ప్రారంభమయ్యాయి. దాదాపు 33 ఏళ్ల తర్వాత ఈ పుణ్య ఘడియలు రావడంతో బారువ తీరానికి వివిధ ప్రాంతాల నుంచి భక్తులు పోటెత్తారు. ఇచ్ఛాపురం ఎమ్మెల్యే అశోక్, ఆర్డీవో వెంకటేశ్వరరావు నదికి హారతిచ్చి పుణ్యస్నానాల కార్యక్రమాన్ని లాంఛనంగా ప్రారంభించారు.