విశాఖ: విశాఖలోని పరవాడ వద్ద రాంకీ ఫార్మాసిటీలో బుధవారం ఉదయం అగ్ని ప్రమాదం సంభవించి దట్టమైన పొగలు కమ్ముకున్నాయి. సమాచారం తెలిసిన వెంటనే అగ్నిమాపక సిబ్బంది రంగంలోకి దిగారు. ప్రమాదానికి కారణాలు ఇంకా తెలియరాలేదు.

కడప: రైల్వేకోడూరు మండలం బాలపల్లె వద్ద బుధవారం ఉదయం అటవీ శాఖ అధికారులు తనిఖీలు జరిపి ఓ కంటైనర్‌లో తరలిస్తున్న కోటి రూపాయల విలువైన ఎర్రచందనం దుంగలను స్వాధీనం చేసుకున్నారు. అటవీ సిబ్బందిని చూసి దొంగలు వాహనాన్ని వదిలి పరారయ్యారు.

హైదరాబాద్: ఆంధ్రప్రదేశ్‌లో రోజురోజుకూ ఆర్ధిక పరిస్థితి దిగజారుతోంది. కేంద్రం సకాలంలో ఆదుకుంటుందున్న ఆశలు రోజురోజుకూ అడుగంటడంతో జీతాలకు సైతం వెతుక్కునే పరిస్థితి ఏర్పడింది. తక్షణం నాలుగైదు వేల కోట్లను కేటాయిస్తే వాటిని ఏదో విధంగా సర్దుబాటు చేసుకుంటామనే ధోరణిలో రాష్ట్రం కేంద్రాన్ని కోరుతోంది.

రాజమహేంద్రవరం: గోదావరి డెల్టాలో రబీ గట్టెక్కాలంటే ఇంకా పది టిఎంసిలు నీటిని అదనంగా తెచ్చుకోవాల్సిన అవసరం ఏర్పడింది. మార్చి 31నాటికి రబీని ముగించాలని జలవనరులశాఖ అధికారులు ఎంత మొత్తుకున్నా ఏప్రిల్ నెలాఖరు వరకు రబీ సా..గేలా కనిపిస్తోంది. ఈ నేపథ్యంలో మరో 10టిఎంసిలు నీటిని అదనంగా బలిమెల రిజర్వాయరు నుండి తెచ్చుకుంటే తప్ప రబీ గట్టెక్కే పరిస్థితి కనిపించటం లేదు.