విజయవాడ, ఫిబ్రవరి 12: ప్రస్తుత సీజన్‌లో పత్తి విత్తనాలకు తీవ్రమైన కొరత ఏర్పడగలదని రెండు రాష్ట్రాల్లోని పత్తిరైతులు ఆందోళన చెందుతున్నారు.

తిరుమల, ఫిబ్రవరి 12: వివాహాది శుభకార్యాలకు ఈనెల 14 నుంచి ముహూర్తాలు ఉండటంతో తిరుమల్లో పెద్ద ఎత్తున వివాహాలు జరుగనున్నాయి. ఈక్రమంలో శుక్రవారం తిరుమలకు వచ్చిన భక్తుల రద్దీ గణనీయంగా పెరిగింది. దీంతో వసతి కొరత ఏర్పడింది. గంటల తరబడి వేచివున్నా గదులు దొరక్క పోవడంతో ఇబ్బందులు పడుతున్న భక్తులు ఆగ్రహంతో ఊగిపోయారు.

సింహాచలం, ఫిబ్రవరి 12: కేంద్ర ప్రభుత్వం అవలంబిస్తున్న కార్మిక వ్యతిరేక విధానాలపై భారీ ఎత్తున పోరాటం చేయడానికి అన్ని కార్మిక సంఘాలను ఏకం చేస్తున్నట్లు ఐఎన్‌టియుసి జాతీయ అధ్యక్షుడు జి సంజీవరెడ్డి స్పష్టం చేశారు. పోరాటంలో భాగంగా దేశవ్యాప్తంగా మార్చి 10వ తేదీన కార్మిక వ్యతిరేక దినంగా పాటించాలని, ఏప్రిల్‌లో రెండు రోజుల పాటు సమ్మె చేయాలని నిర్ణయించినట్లు ఆయన ప్రకటించారు.

విజయవాడ, ఫిబ్రవరి 12: కాపులను బిసిలుగా గుర్తించే ప్రయత్నం జరుగుతున్న నేపథ్యంలో దీనికి వ్యతిరేకంగా బిసి సంఘాలు రాష్ట్ర రాజధాని విజయవాడ కేంద్రంగా ఉద్యమాలకు తాజాగా శ్రీకారం చుట్టింది. ఇదే సమయంలో ముస్లిం నేతలు మహాగర్జన నిర్వహణకు సమాయత్తమవుతున్నారు.