కాలమిత్రమా! మిత్ర కాలమా!
ఏవీ నిరుటి ప్రత్యూష పవనాలు
ఏవీ ఆ బాలభానుడి తనూ విలాసాలు
ఏవీ అలనాటి ప్రాతర్వర్ణ సమ్మేళనాలు
బ్రాహ్మీముహూర్త ధ్యానమగ్నత ఏదీ
తొలికిరణ పారవశ్య ప్రవృత్తి ఏదీ
ఆలింగనామోదపు అరమోడ్పు ముద్రలేవీ
ప్రకృతికి సుప్రభాత సేవలేవీ?
మిత్రమా! ఈ సంకేతాల సంవేదన లేమిటి?
**
కాల మిత్రమా! కలి కాలమా!

1-
శూన్యం కాని స్థితీ కాని
గగనం లేని గాలీ లేని
వెలుతురు చేరని చీకటీ చేరని
వాయులీన ఖగోళత
అణువుకు అనంతానికి అభేదత.
-2-
శక్తీ పదార్థతల సమ్మేళనంగా అణువు
అణువుతో సంయోగించిన కాలం, స్థితీ.
కాలం పెరుగుతూ, విశ్వమూ పెరుగుతూ
ప్రభవించిన వాయు మేఘ వలయం
గ్రహాలతో నక్షత్రాలతో
పరిపుష్టమైన గగనం
పదార్థ సాంద్రత ఉష్ణతీవ్రతలతో

-1-
నేను
భూగోళాన్ని
చరాచర గర్భాన్ని
చేతనా పుడమిని
నా చుట్టూ నేను తిరుగుతూ
మనిషి చుట్టూ తిరుగుతున్న దానిని
పరిణామ చరిత్రకి నేనే నిత్యసాక్షిని
-2-
అఖండాకాశం నా గగనతలం
ఖండఖండాంతర ఖ్యాతి నా విశాలత్వం
నన్ను కౌగిట చేర్చుకుని
ఎగసిపడే సముద్రం
ఆ ఘోషన ఒదిగిన నా జనజీవన ఉచ్ఛ్వాస
జవసత్వాలుడుగుతున్న ప్రాణక్రియల నిశ్వాస

-1-
నేను స్వప్నాన్ని
అవును, స్వప్నమా!
నువ్వు నా స్వంతానివి
నా సంతానానివి
నేను నీ అస్తిత్వం
నువ్వు అంతస్సత్వం
నా ఆలోచనా తరంగాల
తెరచాపవు నువ్వు
నా కలవరింతల
పరుసవేదివి నువ్వు
నీ జననం
నా కనురెప్పలు ముడివడిన చంద్రకాంతిలో
నీ మరణం
నా కనులు విత్తుతున్న భానూదయంలో
నే మేల్కొంటేనే
నీ తావుల తావలం