నేను...
భూగ్రహం పైన ఒక పటిష్టమైన జీవ వ్యవస్థను.
నేను...
జీవ వ్యవస్థలోనే గరిష్ఠమైన జీవన వ్యవస్థను.
నేను-
మానవ అస్తిత్వంలా అనిపించే విశ్వ వ్యవస్థను.
జీవన ప్రయాణంలో అవస్థల మాటున దాగిన జీవ వ్యవస్థను.
ప్రతీ క్షణం కణం కణం సంయోగించే మానవ వ్యవస్థను.

నేను..
కణం, కణం.. + క్షణం, క్షణం..
నేను కణం క్షణం + క్షణం కణం
నేను
- ఆకాశంలోని నక్షత్రాలను లెక్కించలేను!
- దేహంలోని కణాల సంఖ్యనూ చెప్పలేను!
- జీవితకాలాన్నీ క్షణాలలోకి తర్జుమా చేయలేను!!
ఇలా ‘నేను’ది వాస్తవానికి ఉజ్జాయింపుల పర్వం. అయినా-
‘నేను’ మూడు వందల కోట్ల క్షణాలను ఒక జీవిత కాలంలో వొడిసి పట్టుకుంటానని ఒక లెక్క.

నేను..
జీవం + ప్రాణం + చైతన్యం
జీవ ప్రాణ చైతన్య సంయోగమే జీవితం.
జీవం ఉన్నంతవరకు, ప్రాణం ఉన్నంతవరకు, చైతన్యం ఉన్నంత వరకు నేను దేహమే.. ఈ దేహానిదే జీవితం. జీవ ప్రాణ చైతన్యాలు ఈ దేహం నుండి తప్పుకుంటే శరీరం శవమే అవుతుంది. ‘నేను’ మాత్రం ‘మాస్టర్’ అవుతుంది.
* * *
జీవం కోల్పోవటమే నిర్జీవం.. అదే మరణం. ఆ మరణానికి రూపమే శవం.