ఎల్లారెడ్డిపేట, డిసెంబర్ 25: ఐదు పదుల వయసులోనే ఆరోగ్యం క్షీణించి మంచం దిగని మనుషులను నేడు చూస్తున్నాం.. కొంత దూరం నడవగానే విశ్రాంతి కోసం తాపత్రయ పడుతుంటాం.. కానీ ఈ అవ్వ 135 ఏళ్లలోనూ ఇప్పటికింక నా వయసు..అంటూ చలాకీగా తన పనులు వడివడిగా చేసుకుంటోంది.. అన్నం, రొట్టెలను నమిలిమింగేస్తుంది.. మటన్, చికెన్ కావాలంటోంది.. ఐదు తరాల వారితో సంబురాలు జరుపుకుంటోంది..

హైదరాబాద్, డిసెంబర్ 25: పార్లమెంటులో బిల్లు పెట్టి సాధించుకున్న బౌగోళిక తెలంగాణ మాట సరే..సుదీర్ఘ ప్రజాస్వామ్య తెలంగాణ కోసం సాహిత్యాన్ని మొదలుపెట్టాలని ప్రజాకవి గద్దర్ యువ సాహితీవేత్తలకు పిలుపునిచ్చారు. ఎన్టీఆర్ స్టేడియంలో జరుగుతున్న బుక్‌ఫెయిర్‌లో శుక్రవారం జరిగిన రచయిత కాశీం ‘తెలంగాణ సాహిత్యం’ పుస్తకావిష్కరణ కార్యక్రమానికి ఆయన విచ్చేశారు.

ఆదిలాబాద్, డిసెంబర్ 25: ఉత్తరాదిన వీస్తున్న శీతల పవనాల ప్రభావంతో ఆదిలాబాద్ జిల్లాలో ఉష్ణోగ్రతలు ఒక్కసారిగా కనిష్ట స్థాయకి పడిపోయాయి. ఎనినో ప్రభావంతో నిన్నటివరకు ఎండ తీవ్రత, ఉక్కపోతను అనుభవించిన జిల్లా ప్రజలు అనూహ్యంగా వాతావరణంలో చోటుచేసుకున్న మార్పులతో గురువారం రాత్రి నుండే చలిగాలులు, కనిష్ట ఉష్ణోగ్రతలు ప్రజలను ఇబ్బందులకు గురిచేశాయి.

జగదేవ్‌పూర్, డిసెంబర్ 25: అయుత చండీ మహాయాగంలో చివరి రోజైన ఆదివారం నిర్వహించే పూర్ణాహుతి కార్యక్రమానికి రాష్టప్రతి ప్రణబ్ ముఖర్జి వస్తుండటంతో అధికార యంత్రాంగం ఏర్పాట్లను ముమ్మరం చేసింది. రాష్టప్రతి బసచేయనున్న కుటీరాలతో పాటు హెలిప్యాడ్, రోడ్డు మార్గంలో బాంబు, డాగ్ స్క్వాడ్‌తో పోలీసులు ప్రత్యేక సోదాలు నిర్వహిస్తున్నారు. శుక్రవారం సాయంత్రం హెలిక్యాప్టర్ ద్వారా రిహార్సల్ నిర్వహించారు.