గోదావరి జలాలు తెచ్చి రైతుల కన్నీళ్లు తుడుస్తా
సాగునీరు, విద్యుత్ ఉంటే రైతుకు కష్టాలు ఉండవు
భూసేకరణకు రైతులు సహకారం అందించాలి
నీటి పారుదల శాఖ మంత్రి హరీశ్‌రావు

హైదరాబాద్: అదనపు కట్నం కోసం భర్త వేధించడంతో మనస్తాపం చెందిన లక్ష్మి అనే గృహిణి గురువారం తన ఇంట్లో ఉరివేసుకుని ఆత్మహత్య చేసుకుంది. నగరంలోని బేగంపేట ప్రకాష్‌నగర్‌లో ఈ ఘటన జరిగింది. రెండేళ్ల క్రితం లక్ష్మికి విదేశ్ అనే వ్యక్తితో పెళ్లి చేసినపుడు భారీగానే కట్నకానుకలు చెల్లించారు. అయితే, మరో 15 లక్షల రూపాయలు తీసుకురావాలంటూ విదేశ్ నుంచి ఆమెకు ఇటీవల వేధింపులు అధికమయ్యాయి.

హైదరాబాద్:బాలానగర్ ప్రాంతంలో కల్తీ నెయ్యి తయారుచేస్తున్న ఓ ఇంటిపై గురువారం ఉదయం పోలీసులు దాడిచేసి 300 లీటర్ల కల్తీ నెయ్యిని స్వాధీనం చేసుకున్నారు. ఈ సందర్భంగా ఒకరిని అరెస్టు చేశారు.

మెదక్:తెలంగాణ సి.ఎం కెసిఆర్ ఎర్రవల్లిలోని తన ఫాంహౌస్‌లో గురువారం ఉదయం అయుత చండీయాగం రెండోరోజు కార్యక్రమాలను గురుప్రార్థనతో ప్రారంభించారు. ఉదయం నుంచి సాయంత్రం వరకు పలు పూజా కార్యక్రమాలు నిర్వహిస్తారు. సుప్రీంకోర్టు న్యాయమూర్తి జస్టిస్ జాస్తి జగమేశ్వర్, తెలంగాణ మంత్రులు మహమ్మద్ అలీ, పోచారం శ్రీనివాసరెడ్డి, హరీశ్‌రావు తదితరులు హాజరయ్యారు.