బీహార్ : కొత్తగా కొలువుదీరిన బీహార్ అసెంబ్లీలో ఆర్జేడి శాసనసభాపక్ష నేతగా లలూ ప్రసాద్ యాదవ్ తనయుడు తేజస్వీ యాదవ్‌ను ఎన్నుకున్నారు. బీహార్‌లో 243 స్థానాలు ఉండగా ఆర్జేడీ 80 స్థానాలను గెలుచుకున్నా విషయం విదితమే. ఉభయ సభలలో పార్టీ నాయకురాలుగా లలూ భార్య, మాజీ ముఖ్యమంత్రి రబ్రిదేవి ఎన్నికయ్యారు.

న్యూఢిల్లీ : దేశంలో జరుగుతున్న అసహనం ఘటనలు చిన్న విషయాలు కావని సీపీఎం సభ్యులు సలీం అన్నారు. ఆయన పార్లమెంట్‌లో అసహనం అంశంపై మాట్లాడుతూ ప్రభుత్వాలు వస్తుంటాయి, పోతుంటాయి అవి ప్రామాణికం కాదని, దేశం బహుళత్వం ప్రాతిపదికగా ముందుకు సాగాలని అన్నారు.

న్యూఢిల్లీ : రాజ్యాంగ ఫలాలు అందరికీ చేరేందుకు ప్రతి సభ్యుడు కృషిచేయాల్సిన అవసరం ఉందని కేంద్ర పార్లమెంటరీ వ్యవహారాల శాఖ మంత్రి వెంకయ్యనాయుడు అన్నారు. రాజ్యసభలో ఆయన రాజ్యాంగం అనే అంశంపై మాట్లాడుతూ రాజ్యాంగ నిర్మాతలు కన్న కలలు సార్థకం చేస్తున్నామా లేదా అని సమీక్షించుకోవాలన్నారు.

భువనేశ్వర్, నవంబర్ 30: ప్రజల రాష్టప్రతిగా ఘనమైన ప్రతిష్టను సంతరించుకున్న అబ్దుల్ కలాం ఒక దశలో ఈ సమున్నత రాష్టప్రతి పదవికి రాజీనామా చేయాలని నిర్ణయించుకున్నట్టుగా ఆయన ప్రెస్ కార్యదర్శిగా పనిచేసిన ఎస్.ఎం.ఖాన్ వెల్లడించారు. బిహార్ అసెంబ్లీ రద్దును సుప్రీంకోర్టు కొట్టివేసిన నేపథ్యంలో రాష్టప్రతి పదవికి రాజీనామా చేయాలని కలాం నిర్ణయించుకున్నారని ఖాన్ తెలిపారు.