ఉమ్మడి ఆంధ్రప్రదేశ్ విభజన తర్వాత రెండు తెలుగు రాష్ట్రాలను ఓటుకు నోటు స్కాం, ఫోన్ ట్యాపింగ్ వ్యవహారం కుదిపేసింది. 2015లో రెండు రాష్ట్రాల్లో ప్రభుత్వాల మధ్య ఘర్షణకు దారితీసేదిగా ఈ సంఘటనలు సంచలనం కలిగించాయి.

కాకినాడ: తూర్పు గోదావరి జిల్లా కోరుకొండలో గురువారం ఓ ఉన్మాది బీభత్సం సృష్టించి ఇద్దరిని బలిగొన్నాడు. ఆ ఉన్మాది తొలుత తన ఇంట్లో వదినను హత్య చేసి ఆ తర్వాత బస్టాండ్ వద్ద వీరంగం చేశాడు. ఉన్మాది దాడిలో నాగభూషణం అనే వ్యాపారి ప్రాణాలు కోల్పోయాడు. గాయపడిన స్థానిక ఎంపిటిసి సభ్యురాలిని వెంటనే ఆస్పత్రికి తరలించారు. కాసేపటికి పోలీసులు బస్టాండ్ వద్దకు చేరుకుని ఉన్మాదిని అదుపులోకి తీసుకున్నారు.

హైదరాబాద్: అసెంబ్లీలో వైకాపా ఎమ్మెల్యేల ప్రవర్తన తీరు తనకు ఆందోళన కలిగించిందని, ఇలాంటి ప్రవర్తనను తన సుదీర్ఘ రాజకీయ జీవితంలో ఎన్నడూ చూడలేదని శాసనసభ స్పీకర్ కోడెల శివప్రసాదరావు అన్నారు. ఆయన గురువారం ఇక్కడ మీడియాతో మాట్లాడుతూ, తాను ఎంత చెప్పినా వినకపోవడం వల్లే వైకాపా ఎమ్మెల్యేలను సభ నుంచి సస్పెండ్ చేశామన్నారు.

ఒంగోలు:శబరిమలైనుంచి శ్రీకాకుళం జిల్లాకు భక్తులతో వెళుతున్న ఓ బస్సు రోడ్డుపై ఆగివున్న లారీని ఢీకొనడంతో ఒకరు మరణించగా, 24మంది గాయపడ్డారు. పొంగులూరు మండలం, జాగర్లమూడివారి పాలెం వద్ద గురువారం ఉదయం ఈ దుర్ఘటన జరిగింది. తీవ్రంగా గాయపడిన వారిని విజయవాడ, ఒంగోలు ఆసుపత్రులకు తరలించారు.