గుంటూరు: గుంటూరు జిల్లా పంచాయతీ అధికారి గోరంట్ల వీరయ్య నివాసంతోపాటు ఆయన బంధువుల ఇళ్లలో మంగళవారం ఉదయం ఏసిబి అధికారులు ఏకకాలంలో సోదాలు ప్రారంభించారు. ఆదాయానికి మించి అక్రమ ఆస్తులలు ఉన్నట్లు ఫిర్యాదులు రావడంతో గుంటూరు, నరసరావుపేట, చీరాల తదితర ప్రాంతాల్లో వీరయ్య ఆస్తులపై అధికారులు ఆరా తీస్తున్నారు.

రామచంద్రపురం, డిసెంబర్ 21: దక్షిణ కాశీ తూర్పు గోదావరి జిల్లా ద్రాక్షారామ పంచారామ శైవక్షేత్రంలో నిర్వహిస్తున్న అతిరుద్ర మహాయజ్ఞం సోమవారం రెండో రోజుకు చేరింది. వైకుంఠ ఏకాదశి, శివునికి అత్యంత ప్రీతిపాత్రమైన సోమవారం కావడంతో భక్తులు పోటెత్తారు. ఉదయం 6.30 గంటలకు రుత్విక్కులు గురువందనం, వేద పారాయణం, గురుప్రార్ధన మహన్యాసం నిర్వహించారు.

అనంతపురం: కాల్‌మనీ వ్యాపారానికి ప్రభుత్వమే మద్దతు పలుకుతోందని, దీనిపై చర్యలు తీసుకోవాల్సింది పోయి.. శాసనసభలో ప్రభుత్వాన్ని ప్రశ్నించిన మహిళా ఎమ్మెల్యే రోజాను ఏడాది పాటు సస్పెండ్ చేయడం దారుణమని సీపీఐ అనుబంధ మహిళా సమాఖ్య (ఎన్‌ఎఫ్‌ఐడబ్ల్యూ) జాతీయ కార్యదర్శి బీవీ విజయలక్ష్మి అన్నారు.

హైదరాబాద్: ఎ.పి. శాసనసభ స్పీకర్ కోడెల శివప్రసాదరావుపై అవిశ్వాస తీర్మానం ప్రవేశపెట్టేందుకు వైకాపా నేతలు యోచిస్తున్నట్లు సమాచారం. ఈ రోజు ఉదయం అసెంబ్లీ సమావేశాలను బహిష్కరించి బయటకు వెళ్లిపోయిన తరువాత వైకాపా ఎమ్మెల్యేలు ఈ విషయమై చర్చించినట్టు తెలుస్తోంది. స్పీకర్‌పై అవిశ్వాసం ప్రవేశపెట్టే అంశంపై రేపు ఒక నిర్ణయం తీసుకునే అవకాశం ఉందని తెలుస్తోంది.