నందిగామ: కృష్ణా జిల్లా కంచికచర్ల వద్ద గురువారం అర్ధరాత్రి జరిగిన రోడ్డు ప్రమాదంలో ముగ్గురు మరణించారు. బైక్‌పై వెళుతున్న వీరిని ఎదురుగా వస్తున్న వ్యాన్ ఢీకొన్న ఘటనలో వీరు అక్కడికక్కడే ప్రాణాలు కోల్పోయారు.

తిరుమల: తిరుమలలో శుక్రవారం రాత్రి శ్రీవారికి వైభవంగా పౌర్ణమి గరుడ సేవ జరిగింది. తిరుమల శ్రీవారిని శుక్రవారం రాష్టప్రతి ప్రణబ్ ముఖర్జీ, గవర్నర్ నరసింహన్, సిఎం చంద్రబాబు దర్శించుకున్నారు. ముగ్గురూ ఏమీ మాట్లాడలేదు.

అమరాపురం: అనంతపురం జిల్లా అమరాపురం మండలం కెంకర గ్రామ సమీపంలో శుక్రవారం ఆటోను ఆర్టీసీ బస్సు ఢీకొన్న ప్రమాదంలో ఇద్దరు మృతి చెందారు. మరో ముగ్గురికి తీవ్రగాయాలయ్యాయి. చిలమత్తూరుకు చెందిన శ్రీధర్ తన కుటుంబసభ్యులతో కలిసి దైవదర్శనానికి వెళ్లి తిరిగి ఆటోలో వస్తుండగా ప్రమాదం జరిగింది. దీంతో శ్రీధర్ అక్కడికక్కడే మృతి చెందారు.

విజయవాడ: నగర టాస్క్ఫోర్స్ పోలీసులు శుక్రవారం ఆకస్మిక దాడులు చేసి ఇక్కడి వన్‌టౌన్ ప్రాంతంలో 5వేల పైరసీ సీడీలు స్వాధీనం చేసుకున్నారు. జతకలిసె, సౌఖ్యం, శంకరాభరణం (కొత్తది), బెంగాల్ టైగర్ వంటి తాజా సినిమాలకు సంబంధించి భారీఎత్తున సీడీలను సీజ్ చేసి, వీటిని విక్రయిస్తున్న సురేష్ అనే నిందితుడిని పోలీసుల అదుపులోకి తీసుకున్నారు.