మడకశిర, డిసెంబర్ 26: అనంతపురం జిల్లా మడకశిర మండలంలోని భక్తరహళ్లి లక్ష్మీనరసింహస్వామి, జిల్లేడుకుంట ఆంజనేయస్వామి బ్రహ్మోత్సవాల్లో భాగంగా శనివారం భూతప్పల ఉత్సవం కన్నులపండువగా జరిగింది. భూతప్పలు భక్తులపై నుంచి నడుచుకుంటూ వెళ్లే దృశ్యాన్ని తిలకించేందుకు జనం భారీగా తరలివచ్చారు. భూతప్ప విగ్రహాన్ని చేతపట్టుకున్న వారి కాలిస్పర్శ తగిలితే కోర్కెలు తీరుతాయని భక్తుల నమ్మకం.

కడప, డిసెంబర్ 26: వైకాపా అధినేత వైఎస్ జగన్మోహన్‌రెడ్డి శనివారం జిల్లాలోని జమ్మలమడుగు నియోజకవర్గంలో సుడిగాలి పర్యటన జరిపారు. పలువురిని పరామర్శించారు. మరికొందరిని ఓదార్చారు. జమ్మలమడుగులో వైసిపి నేత మునిరెడ్డి కుమారుడు, కోడలిని ఆశీర్వదించేందుకు వెళ్లగా అక్కడే ఎమ్మెల్సీ నారాయణరెడ్డి, మరికొంతమంది తెలుగుదేశం నాయకులు తారసపడ్డారు. అయితే ఎలాంటి పలకరింపులు లేకుండా ఎవరికి వారు మిన్నకుండిపోవడం గమనార్హం.

* నీటిపారుదల శాఖ మంత్రి దేవినేని ఉమ
గుంటూరు: 2016 సంవత్సరంలోనే పోలవరం కుడి కాలువ పూర్తి చేస్తామని రాష్ట్ర నీటిపారుదల శాఖ మంత్రి దేవినేని ఉమామహేశ్వరరావు స్పష్టం చేశారు. గుంటూరులో శనివారం ఆయన విలేఖర్లతో మాట్లాడారు.

* వీడియో కాన్ఫరెన్స్‌లో ముఖ్యమంత్రి
విజయవాడ: వచ్చే జూన్ మాసాంతానికి హైదరాబాద్ నుండి సచివాలయం తరలింపు తథ్యమని ముఖ్యమంత్రి చంద్రబాబు అన్నారు. అధికారులతో శనివారం నిర్వహించిన వీడియో కాన్ఫరెన్స్‌లో ఆయన మాట్లాడారు.