అమలాపురం: అనారోగ్యంతో మరణించిన టిడిపి సీనియర్ నేత, మాజీ మంత్రి మెట్ల సత్యనారాయణ అంత్యక్రియలు శనివారం ఇక్కడ జరిగాయి. మెట్ల పార్థివదేహం వద్ద టిడిపి అధినేత, ఎపి సిఎం చంద్రబాబు నాయుడు శ్రద్ధాంజలి ఘటించారు. పార్టీ యువనేత లోకేష్‌తో పాటు మంత్రులు చినరాజప్ప, యనమల రామకృష్ణుడు, పలువురు నాయకులు అంత్యక్రియలకు హాజరయ్యారు.

నెల్లూరు: సూళ్లూరుపేట మండలంలో కొడుకుతో జరిగిన ఘర్షణలో 72 సంవత్సరాల అల్లయ్య మరణించాడు. మద్యానికి బానిసైన కొడుకు హరికృష్ణను మందలించడంతో ఆగ్రహంతో తండ్రిపై కర్రతో దాడి చేశాడు. తీవ్రంగా గాయపడిన అల్లయ్య తీవ్రంగా గాయపడి ప్రాణాలొదిలాడు.

హైదరాబాద్: ఆంధ్రప్రదేశ్ నూతన రాజధాని అమరావతికి జూన్‌లోగా అధికారులు తరలివెళ్లాలని, అందుకుతగ్గట్లు ఏర్పాట్లు చేయాలని అధికారులను ముఖ్యమంత్రి ఎన్.చంద్రబాబు నాయుడు ఆదేశించారు. రాష్టవ్య్రాప్తంగా త్వరలో నిర్వహించనున్న ‘జన్మభూమి మన ఊరు’ కార్యక్రమంపై శనివారం ఉదయం వీడియోకాన్ఫరెన్స్‌లో అన్ని జిల్లాల అధికారులతో ఆయన మాట్లాడారు.

* ఉత్తర కోస్తాలో 5 లక్షల వ్యవసాయ కనెక్షన్లు
సోలార్ పంపు సెట్లకు ఆదరణ పెరుగుతోంది. ఉత్తర కోస్తాలో సుమారు 5 లక్షల మేర వ్యవసాయ పంపు సెట్లకు సోలార్ కనెక్షన్లు ఇచ్చేందుకు తూర్పు ప్రాంత విద్యుత్ పంపిణీ సంస్థ సన్నాహాలు చేస్తోంది.