విజయవాడ, ఏప్రిల్ 11: నూతన విద్యా సంవత్సరం ఆరంభం నాటికి హైదరాబాద్‌లో ఉన్న ప్రభుత్వ శాఖలన్నింటినీ రాజధాని అమరావతి ప్రాంతానికి తరలించేందుకు రాష్ట్ర ప్రభుత్వం కసరత్తు చేస్తోంది. ఈలోపుగానే తాత్కాలిక సచివాలయం నిర్మాణం కూడా పూర్తికానుంది. ప్రస్తుతానికి మరికొన్ని కార్యాలయాలను విజయవాడ, గుంటూరులో ఏర్పాటు చేయబోతున్నారు.

విశాఖపట్నం, ఏప్రిల్ 11: విశాఖపట్నం జిల్లా నక్కపల్లి సమీపంలోని వెదుళ్లపాలెం వద్ద ఆదివారం జరిగిన రోడ్డు ప్రమాదంలో మృత్యువాత పడిన వారి కుటుంబాలను ముఖ్యమంత్రి చంద్రబాబు సోమవారం పరామర్శించారు. విశాఖ పర్యటనకు వచ్చిన ఆయన బుచ్చిరాజుపాలెంలోని బాధిత కుటుంబాలను స్వయంగా కలుసుకుని ఓదార్చారు. జరిగిన దుర్ఘటనపై విచారం వ్యక్తం చేశారు. మృతులకు నివాళులర్పించారు.

తిరుమల, ఏప్రిల్ 11: తిరుమలలోని శ్రీవారి పాదాలకు వెళ్లే రోడ్డు మార్గంలో సోమవారం ఉదయం ప్రమాదం జరిగింది. శ్రీవారి పాదాల నుంచి వేగంగా వస్తున్న ఓ ఇండికా వాహనం ఎదురుగా వస్తున్న సుమోను ఢీకొనడంతో ఈ ప్రమాదం సంభవించింది. ఈ ప్రమాదంలో ఇండికా వాహనంలో ప్రయాణిస్తున్న హైదరాబాద్‌కు చెందిన భాటియా (37) అనే భక్తుడి తలకు బలమైన గాయం కాగా, అతడి కుమార్తెకు స్వల్ప గాయాలు అయ్యాయి.

చిత్తూరు, ఏప్రిల్ 11 : మహిళపై అత్యాచారం, దాడి కేసులో ఇద్దరు తమిళనాడు రాష్ట్రానికి చెందిన నిందితులకు 20 ఏళ్ల జైలుశిక్షతో పాటు రెండువేలు జరిమానా విధిస్తూ సోమవారం చిత్తూరు జిల్లా 8వ అదనపు న్యాయమూర్తి సిదానంద తీర్పునిచ్చారు. చిత్తూరు జిల్లా వెదురుకుప్పం మండలం పాతగుంట ఎస్టీ కాలనీకి చెందిన రాజేంద్ర 2013 డిసెంబర్ 16న తనకు పరిచయం ఉన్న వివాహితతో కలిసి పెనుమూరు మండలం రామకృష్ణాపురం వద్దకు వచ్చారు.