గుంటూరు, ఏప్రిల్ 24: రాజధానిలో భూ సమీకరణ కింద భూములిచ్చిన రైతులకు ప్లాట్ల కేటాయింపులో నిబంధనలు.. మార్గదర్శకాలను సీఆర్డీఏ ప్రకటించింది. కొద్దిరోజుల కిందట విజయవాడలో రైతుల ప్లాట్లపై రైతులకు అవగాహన కార్యక్రమాలు నిర్వహించారు. ఇందు లో రైతులు వెలిబుచ్చిన సందేహాలను నివృత్తిచేస్తూ నిబంధనలను రూపొందించారు. అమరావతి నిర్మాణంకోసం ప్రభుత్వం 20 వేలమంది రైతుల నుంచి 33,500 ఎకరాలను సేకరించింది.

విజయవాడ, ఏప్రిల్ 24: నవ్యాంధ్రప్రదేశ్ రాజధాని అమరావతిలో వెలగపూడి సమీపంలో 42.90 ఎకరాలలో నిర్మిస్తున్న తాత్కాలిక సచివాలయం సోమవారం ప్రారంభమవుతోంది. జూన్ నాటికి హైదరాబాద్‌నుంచి సచివాలయ ఉద్యోగులందరినీ తరలించాలన్న కృతనిశ్చయంతో రాష్ట్ర ప్రభుత్వం ఉండడంతో యుద్ధ ప్రాతిపదికపై పనులు పూర్తి చేసి ప్రారంభానికి సిద్ధం చేస్తున్నారు.

న్యూదిల్లి:మద్యం వ్యాపార దిగ్గజం విజయ్‌మాల్యా పాస్‌పోర్టును విదేశాంగశాఖ రద్దు చేసింది. ఎన్‌ఫోర్స్‌మెంట్ డైరక్టరేట్ అభ్యర్థన మేరకు ఈ చర్యలు తీసుకుంది. ఆయనను దేశానికి రప్పించేందుకు చర్యలు ప్రారంభించింది. వివిధ బ్యాంకులకు దాదాపు 9వేల కోట్ల రూపాయల రుణం చెల్లించకుండా దేశం విడిచి వెళ్లిపోయిన విజయ్‌మాల్యాపై చర్యలను కేంద్రం ప్రభుత్వం వేగవంతం చేసింది.

హైదరాబాద్, ఏప్రిల్ 23: స్వచ్ఛ భారత్ లక్ష్యాలను సాధించేందుకు రాష్ట్రప్రభుత్వం స్వచ్ఛ ఆంధ్రప్రదేశ్ నిర్మాణానికి ఏర్పాటు చేసిన కార్పొరేషన్ విషయంలో అందరికీ చాలా స్పష్టత అవసరమని శాసనసభ స్వీకర్ కోడెల శివప్రసాదరావు అన్నారు. ఆంధ్రప్రదేశ్ స్వచ్ఛ కార్పొరేషన్ సిఇఓ మురళీధర్, సిఓఓ సురేష్‌లతో శాసనసభాపతి సమావేశమయ్యారు.