హైదరాబాద్:తెలుగుదేశం ప్రభుత్వ హయాంలో అవినీతి పెచ్చుపెరిగిపోయిందని, ఇసుక మాఫియాతో అధికార పార్టీ నాయకులు, మంత్రులు చేతులు కలిపి అక్రమంగా కోట్లాది రూపాయలు సంపాదిస్తున్నారని వైకాపా అధినేత జగన్మోహన్ రెడ్డి ఆరోపించారు. రాజధాని ప్రాంతంలో బినామి పేర్లతో భూములు కొన్నాకే అమరావతిని కేపిటల్‌గా ప్రకటించిన బాబు అవినీతి సొమ్ముతో మా ఎమ్మెల్యేలను కొనుగోలు చేస్తున్నారని ఆయన విమర్శించారు.

కరాచి:పాకిస్తాన్‌లోని ఖైబర్ ఫంక్తుంక్వా ప్రావిన్స్‌లో మైనారిటీ మంత్రి సర్దార్ సోరన్‌సింగ్‌పై గుర్తు తెలియని వ్యక్తి కాల్పులు జరపడంతో మరణించారు. బునేర్ జిల్లాలో కారులో ప్రయాణిస్తుండగా బైక్‌పై వచ్చిన దుండగులు కారుని ఆపి బుల్లెట్ల వర్షం కురిపించారు. ఇది తాలిబన్ల పనేనని పోలీసులు అనుమానిస్తున్నారు.

తాడేపల్లిగూడెం, ఏప్రిల్ 22: ప్రముఖ కవి, సినీ గేయ రచయిత ఆచార్య ఆత్రేయ భార్య కిళాంబి ఉత్సూరు పద్మావతి ఆత్రేయ (90) శుక్రవారం కన్నుమూశారు. పశ్చిమ గోదావరి జిల్లా తాళ్లముదునూరుపాడులోని ఆమె సోదరి వింజమూరి మధురవల్లి ఇంట్లో ఆమె కన్నుమూశారు. నెల్లూరు జిల్లా సూళ్లూరుపేట మండలం మంగళంపాడుకు చెందిన ఆచార్య ఆత్రేయను కిళాంబి వివాహం చేసుకున్నారు. వీరికి పిల్లలు లేరు.

హైదరాబాద్, ఏప్రిల్ 22: ఆంధ్రప్రదేశ్ మార్కెటింగ్ ఫెడరేషన్ లిమిటెడ్ విభజన సరైన చర్యని, చట్టబద్ధమని, తెలంగాణ మార్కెటింగ్ ఫెడరేషన్‌కు ఆ రాష్ట్రప్రభుత్వం పర్సన్ ఇన్‌చార్జిని నియమించే అధికారం ఉందని హైకోర్టు ధర్మాసనం శుక్రవారం తీర్పు ఇచ్చింది. ఏపి మార్కెటిగ్ ఫెడరేషన్ లిమిటెడ్ విభజనను సవాలు చేస్తూ కొంత మంది డైరెక్టర్లు 2014 మే నెలలో హైకోర్టులో పిటిషన్ దాఖలు చేశారు.