ఆదిలాబాద్/మహబూబ్‌నగర్/ నల్లగొండ/కరీంనగర్/ వరంగల్/మెదక్, ఏప్రిల్ 23: రాష్ట్రంలోని వివిధ జిల్లాల్లో రికార్డుస్థాయిలో ఉష్ణతాపం నమోదవుతోంది. ఆదిలాబాద్ జిల్లాలో సాధారణం కంటే ప్రతి రోజు 4 నుండి 5 డిగ్రీల అధికంగా ఉష్ణోగ్రతలు నమోదవుతున్నాయి. జిల్లాలో శనివారం 44.3 డిగ్రీల పగటి ఉష్ణోగ్రత నమోదు కాగా కనిష్ట ఉష్ణోగ్రత 29 డిగ్రీలు నమోదయ్యాయి.

రాజమహేంద్రవరం, ఏప్రిల్ 23: తూర్పు గోదావరి జిల్లా అంతర్వేదిలో డ్రెడ్జింగ్ హార్బర్ ఏర్పాటుకు కేంద్రం గ్రీన్ సిగ్నల్ ఇవ్వడంతో ఆంధ్రప్రదేశ్‌లో హార్బర్ల అభివృద్ధిలో సరికొత్త అధ్యాయం మొదలైంది. రాష్ట్ర ప్రభుత్వం కలలుగన్న సాగరమాల ప్రాజెక్టుకు తొలి అడుగు పడింది. ఈ హార్బర్ రాకతో స్థానికంగా ఉపాధి అవకాశాలు లభిస్తాయని ఎదురుచూస్తున్నారు. దేశంలోనే తొలి డ్రెడ్జింగ్ హార్బర్‌కు అంతర్వేది కేంద్రంగా మారింది.

కాకినాడ, ఏప్రిల్ 23: ఈ ఏడాది జనవరి 30వ తేదీన తూర్పు గోదావరి జిల్లా తునిలో కాపుల ఐక్య గర్జన సభలో జరిగిన దురదృష్టకర సంఘటనలకు సంబంధించి కేసు విచారణను సిఐడి వేగవంతం చేసింది. తుని హింసకు బాధ్యులైన నిందితులను 10-15 రోజుల్లో అరెస్టులకు రంగం సిద్ధం చేస్తున్నట్టు సమాచారం. దుర్ఘటన సమయంలో ఆయా హింసాత్మక ప్రదేశాల్లో సుమారు 300 మంది ఉన్నట్టు పోలీసుల విచారణలో వెల్లడయ్యింది.

గుంటూరు, ఏప్రిల్ 23: తెలుగుదేశం పార్టీ నేతలు అవినీతితో సంపాదించిన సొమ్ముతోనే వైసిపి ఎమ్మెల్యేలను అప్రజాస్వామికంగా కొనుగోలు చేస్తున్నారని ఆరోపిస్తూ వైసిపి గుంటూరు జిల్లా ఎమ్మెల్యేలు శనివారం సాయంత్రం ఆందోళన నిర్వహించారు. గుంటూరు నగరంలోని లాడ్జిసెంటర్‌లో గల రాజ్యాంగ నిర్మాత బిఆర్ అంబేద్కర్ విగ్రహం వద్ద రోడ్డుపై బైఠాయించి టిడిపి తీరుపై మండిపడ్డారు.