హైదరాబాద్, డిసెంబర్ 15: తెలంగాణలో పెట్టుబడులు పెట్టడానికి, పరిశ్రమలను స్థాపనకు చైనా కంపెనీలు పెద్దఎత్తున తరలిరానున్నట్టు చైనా రాజధాని బీజింగ్‌లో భారత కాన్సులర్ నామ్ గ్యా సి కంపా వెల్లడించారు. తెలంగాణ ప్రభుత్వం ప్రవేశపెట్టిన నూతన పారిశ్రామిక విధానాన్ని చైనా కంపెనీలు పూర్తిగా అధ్యయనం చేసిన తర్వాతే ఇక్కడ పెట్టుబడులు పెట్టడానికి ఆసక్తి చూపుతున్నాయని కంపా వెల్లడించారు.

హైదరాబాద్: పాతబస్తీ ప్రాంతంలోని ఫలక్‌నుమా, చార్మినార్, లాడ్ బజార్‌లో మంగళవారం తెల్లవారుజామున పోలీసులు ఆకస్మిక దాడులు నిర్వహించి 30 మంది రౌడీషీటర్లను అరెస్టు చేశారు. గాజుల తయారీ పరిశ్రమలపై దాడులు చేసి 24 మంది బాల కార్మికులకు విముక్తి కలిగించారు. కొన్నిచోట్ల అక్రమంగా నిల్వ ఉంచిన బియ్యం, కిరోసిన్, ఇతర నిత్యావసర సరకులను స్వాధీనం చేసుకున్నారు.

భద్రాచలం, డిసెంబర్ 14: అధ్యయనోత్సవాల్లో భాగంగా పగల్‌పత్ ఉత్సవం సందర్భంగా ఖమ్మం జిల్లా భద్రాచల శ్రీ సీతారామచంద్రస్వామి సోమవారం భక్తులకు నృసింహావతారంలో దర్శనమిచ్చారు.

హైదరాబాద్, డిసెంబర్ 14: ఎన్నికల తతంగం, మోడల్ కోడ్ ముగిసిన తరువాత రాష్ట్ర ప్రగతి, ప్రజల అజెండాను చిత్తశుద్ధితో అమలు జరిపేందుకు కార్యాచరణ రూపొందించనున్నట్టు సిఎం కె చంద్రశేఖర్‌రావు తెలిపారు. పార్టీ ముఖ్యనేతలతో సమావేశం నిర్వహించి ప్రజల అజెండా అమలుకు రంగంలోకి దిగనున్నట్టు చెప్పారు. ఉద్యమ సమయంలో అనేక జిల్లాల్లో పర్యటించినా, ఈ మధ్య సమయం అంతగా లభించలేదన్నారు.