న్యూఢిల్లీ, జూలై 9: తెలంగాణలో ప్రజాప్రతినిధులను టిఆర్‌ఎస్ ప్రభుత్వం ఏఏ ప్రలోభాలకు గురిచేసిందీ త్వరలో బయటపెడతానని కాంగ్రెస్ ఎమ్మెల్సీ పొంగులేటి సుధాకర్‌రెడ్డి ప్రకటించారు. శనివారం నాడు ఆయన కాంగ్రెస్ ఉపాధ్యక్షుడు రాహుల్ గాంధీతో సమావేశమయ్యారు. అనంతరం పొంగులేటి విలేఖరులతో మాట్లాడుతూ వర్షాకాల సమావేశాల్లో పార్టీ ఫిరాయింపుల చట్ట సవరణను ఆమోదించాలని రాహుల్‌ని కోరనన్నారు.

హైదరాబాద్, జూలై 9: తెలంగాణ రాష్ట్ర రోడ్డు రవాణా సంస్థ ఉద్యోగుల సమస్యలు పరిష్కరిస్తామని రవాణాశాఖ మంత్రి పి మహేందర్‌రెడ్డి తెలిపారు. ఆర్టీసీ పరిరక్షణకు తమ ప్రభత్వం ఎల్లవేళలా ముందుంటుందన్నారు. శనివారం ఆర్టీసీ టిఎస్ ఎన్‌ఎంయూ అదనపు జాయింట్ సెక్రటరీ కావలి హన్మంతు, వర్కింగ్ ప్రెసిడెంట్ కమాల్‌రెడ్డి తదితరులు మంత్రి నివాసంలో కలసి ఒక వినతిపత్రం సమర్పించారు.

హైదరాబాద్, జూలై 9: కాంగ్రెస్ పార్టీ తెలంగాణలో దిక్కుమాలిన రాజకీయాలు చేస్తోందని ప్రభుత్వ విప్ గంప గోవర్థన్ విమర్శించారు. ఎఐసిసినేత దిగ్విజయ్‌సింగ్ తెలంగాణ ప్రభుత్వంపైన, టిఆర్‌ఎస్‌పైనే అసందర్భ విమర్శలు చేస్తున్నారని అన్నారు. రెండేళ్ల తెలంగాణ పాలన గురించి మాట్లాడే ముందు పదేళ్ల కాంగ్రెస్ పాలనలో ఏం సాధించారో చెప్పాలని, దోచుకోవడం మినహా కాంగ్రెస్ నేతలు చేసిందేమీ లేదని అన్నారు.

హైదరాబాద్, జూలై 9: ఎస్‌సి వర్గీకరణకు కేంద్ర ప్రభుత్వంపై వత్తిడి పెంచేందుకు ఢిల్లీలో 25 రోజుల పాటు వేల డప్పు వాయిద్యాలు మోగించి వినూత్న పద్ధతిలో ఆందోళనలు నిర్వహించాలని మాదిగ రిజర్వేషన్ పోరాట సమితి (ఎంఆర్‌పిఎస్) వ్యవస్థాపక అధ్యక్షుడు మంద కృష్ణ మాదిగ నిర్ణయించారు. ఈ మేరకు ఈ నెల 18 నుంచి ఆగస్టు 12 వరకు ఢిల్లీలో జంతర్‌మంతర్ వద్ద ఆందోళనలు నిర్వహించేందుకు సన్నాహాలు చేస్తున్నారు.