హైదరాబాద్‌: పాతబస్తీ హసన్‌నగర్‌లో శనివారం ఉదయం 400 మంది పోలీసులు నిర్బంధ తనిఖీలు నిర్వహించారు. 18మంది అనుమానితులు, 9మంది రౌడీషీటర్లు, పశ్చిమ్‌బంగాకు చెందిన ఐదుగురిని అదుపులోకి తీసుకుని విచారిస్తున్నారు. సరైన పత్రాలు లేని 47 ద్విచక్రవాహనాలు, 10 ఆటోలు, 3 కార్లు, 4 వేట కొడవళ్లు, 280 మద్యం బాటిళ్లు స్వాధీనం చేసుకున్నారు.

నల్లగొండ, జూలై 8: హరితహారం కార్యక్రమంలో భాగంగా నల్లగొండ జిల్లా పర్యటనకు వచ్చిన ముఖ్యమంత్రి కె.చంద్రశేఖర్‌రావుకు అడుగడుగునా నిరసన సెగలు ఎదురయ్యాయి. చౌటుప్పల్ మార్కెట్ యార్డులో నూతన గోదాంలను ప్రారంభించి మొక్కను నాటి గుండ్రాంపల్లి హరితహారం కార్యక్రమానికి బయలుదేరారు. మార్కెట్ యార్డు నుండి బస్సు బయలుదేరగానే ఆకస్మాత్తుగా ఎస్‌ఎఫ్‌ఐ కార్యకర్తలు బస్సుకు అడ్డం పడి ప్లకార్డులతో నినాదాలకు దిగారు.

హైదరాబాద్, జూలై 8: ముఖ్యమంత్రి కెసిఆర్ ప్రభుత్వం కొత్త సచివాలయాన్ని నిర్మించాలన్న ప్రతిపాదనను ఉపసంహరించుకుని ఎస్సీ, ఎస్టీ, బిసిలకు హాస్టళ్లు, ఆసుపత్రులు, పాఠశాలలను నిర్మించి నిధులు కేటాయించాలని టిడిపి ఎమ్మెల్యే, బిసి సంక్షేమ సంఘం చైర్మన్ ఆర్ కృష్ణయ్య డిమాండ్ చేశారు. సచివాలయంలోని 9 భవనాల్లో 7 భవనాలను ఐదు నుంచి పది సంవత్సరాల్లోపు నిర్మించారన్నారవు.

వరంగల్, జూలై 8: హరితహారం కార్యక్రమంలో అపశ్రుతి చోటుచేసుకుంది. ఇనుప రాడ్‌తో ఏర్పాటు చేసిన హరితహారం జెండాలను శుక్రవారం జాతీయ రహదారి డివైడర్ మధ్యలో పాతుతుండగా విద్యుత్ వైరు తగలడంతో కార్పొరేషన్ ఉద్యోగి అక్కడికక్కడే మృతిచెందాడు.