న్యూఢిల్లీ, మే 7: ఆంధ్రప్రదేశ్‌కు ప్రత్యేక హోదా కోసం తాము చేస్తున్న ప్రయత్నాలకు మద్దతు ఇవ్వాలంటూ ఏపి కాంగ్రెస్ రాజ్యసభ సభ్యుడు కెవిపి రామచందర్‌రావుకేంద్ర పార్లమెంటరీ వ్యవహారాల శాఖ మంత్రి ఎం వెంకయ్యనాయుడుకు శనివారం నాడొక లేఖ రాశారు. ‘దయచేసి ప్రధాన మంత్రి నరేంద్ర మోడీతో మీకున్న అనుబంధం, బిజెపి పూర్వాధ్యక్షుడుగా మీకున్న అనుభవం రంగరించి హోదాపై ఇచ్చిన హామీని నిలబెట్టుకోండి.

దిల్లీ: పోలీసులపై అభ్యంతరకరమైన వ్యాఖ్యలు చేశారన్న అభియోగంపై దిల్లీ సిఎం కేజ్రీవాల్‌కు ఇక్కడి సాకేత్ కోర్టు శనివారం సమన్లు జారీ చేసింది. పోలీసు వ్యవస్థ ప్రతిష్టను దెబ్బతీసేలా వ్యాఖ్యలు చేసినందుకు ఆయనపై చర్యలు తీసుకోవాలని పిటిషన్ దాఖలవడంతో కోర్టు ఈ నిర్ణయం తీసుకుంది.

వారణాసి: ఇక్కడి బనారస్ హిందూ విశ్వవిద్యాలయం ఆస్పత్రిలోని ఎమర్జెన్సీ వార్డులో శనివారం ఆక్సిజన్ సిలిండర్ పేలి 16 మంది రోగులు గాయపడ్డారు. ఈ ఘటనపై పోలీసులు ఆరా తీస్తున్నారు.

దిల్లీ: ఎపికి ప్రత్యేకహోదా ఇవ్వాలని రాజ్యసభలో తాను ప్రవేశపెట్టిన ప్రైవేటు మెంబర్ బిల్లుకు మద్దతు ఇవ్వాలని కాంగ్రెస్ ఎంపీ కెవిపి రామచంద్రరావు కేంద్రమంత్రి వెంకయ్యనాయుడికి లేఖ రాశారు. ఈ బిల్లుకు ఎన్‌డిఎలోని భాగస్వామ్య పార్టీలన్నీ సహకరించాలని ఆయన విజ్ఞప్తి చేశారు. విభజన చట్టంలోని హామీలను అమలు చేయడంతో పాటు ఎపికి ప్రత్యేకహోదా ఇవ్వాల్సిందేనన్నారు.