న్యూఢిల్లీ, జూన్ 20: వివిఐపి హెలికాప్టర్ల కొనుగోలు ఒప్పందానికి సంబంధించిన మనీ లాండరింగ్ కేసు దర్యాప్తులో భాగంగా తాజా చర్యలకు ఉపక్రమించిన ఎన్‌ఫోర్స్‌మెంట్ డైరెక్టరేట్ (ఇడి) సోమవారం ఢిల్లీ, ముంబయి, హైదరాబాద్‌లోని దాదాపు ప్రదేశాల్లో సోదాలు నిర్వహించి ఈ కేసుతో ప్రమేయం ఉన్న వివిధ సంస్థలకు చెందిన రూ.86 కోట్లకు పైగా విలువచేసే విదేశీ షేర్లను స్తంభింప జేసింది.

దిల్లీ: సోమవారం పసిడి ధర రూ.150 తగ్గడంతో 99.9శాతం స్వచ్ఛత గల పది గ్రాముల పసిడి ధర రూ.29,650కి చేరింది. కీలక సమయాల్లో నగల వ్యాపారుల నుంచి కొనుగోళ్ల మద్దతు లభించకపోవడం, ప్రపంచ మార్కెట్ల ప్రభావంతో దీని ధర తగ్గిందని బులియన్‌ మార్కెట్‌ వర్గాలు తెలిపాయి. సింగపూర్‌ బులియన్‌ మార్కెట్‌లో ఔన్సు బంగారం ధర 1.4శాతం తగ్గి 1,280.47 యూఎస్‌ డాలర్లకు చేరింది.

పాట్నా: బీహార్ ఇంటర్ టాపర్స్ స్కామ్‌లో స్కూల్ ఎగ్జామినేషన్ బోర్డు మాజీ ఛైర్మన్ లాల్ కేశ్వర్ ప్రసాద్ సింగ్, ఆయన భార్య, జేడీయూ మాజీ ఎమ్మెల్యే ఉషా సిన్హాను ప్రత్యేక దర్యాప్తు బృందం సోమవారం అదుపులోకి తీసుకుంది. 12 తరగతి ఆర్ట్స్, సైన్స్‌ ఫలితాల్లో మొదటి ర్యాంకులు సాధించిన విద్యార్థులను ఓ టీవీ ఛానల్ ఇంటర్వూ చేయగా పొంతన లేని సమాధానాలు చెప్పారు.

బెంగళూరు: కర్నాటక మంత్రివర్గం నుంచి ఉద్వాసనకు గురైన సీనియర్ నాయకుడు ఎంహెచ్ అంబరీష్ సోమవారం ఎమ్మెల్యే పదవికి రాజీనామా చేశారు. అయితే, తన రాజీనామా లేఖను వ్యక్తిగతంగా కాకుండా తన సహాయకుడి ద్వారా డిప్యూటీ స్పీకర్‌కు పంపారు. దీంతో రాజీనామాను ఆమోదించడం లేదని డిప్యూటీ స్పీకర్ ప్రకటించారు. కర్నాటక సిఎం సిద్ధరామయ్య తన క్యాబినెట్ నుంచి అంబరీష్ సహా 14 మంది మంత్రులకు ఆదివారం ఉద్వాసన పలికిన సంగతి తెలిసిందే.