హైదరాబాద్ : తెలుగు రాష్ట్రాల మధ్య కృష్ణా జలాల పంపకానికి సంబంధించి షెడ్యూల్ విడుదల చేసేందుకు ఈరోజు ఇక్కడ కృష్ణా రివర్ బోర్డు సమావేశం జరుగుతోంది. నిన్న జరిగిన చర్చల్లో ఎపి, తెలంగాణకు చెందిన ఇరిగేషన్ శాఖ అధికారులు తమ వాదనలు వినిపించారు. బుధవారం జరిగే సమావేశంలో ఇరు రాష్ట్రాల ఇరిగేషన్ మంత్రులు దేవినేని ఉమ, హరీష్‌రావు పాల్గొంటున్నారు.

దిల్లీ: ఇస్రో (భారత అంతరిక్ష పరిశోధనా సంస్థ) ప్రయోగించిన పీఎస్‌ఎల్‌వీ సి-34 విజయవంతం కావటంపై ప్రధాని నరేంద్ర మోదీ శాస్త్రవేత్తలకు మోదీ బుధవారం అభినందనలు తెలిపారు. ఉప గ్రహాలు రూపొందించడంలో పుణె, చెన్నైకు చెందిన విద్యార్థులు కీలక పాత్ర పోషించడం అభినందనీయం అని ప్రధాని ట్వీట్‌ చేశారు.

యావత్ ప్రపంచం యోగ ముద్ర వేసింది. భారత్‌నుంచి బ్రెజిల్ వరకూ.. చైనా నుంచి చిలీ వరకూ.. లక్షలు కోట్ల సంఖ్యలోనే భారతీయ యోగకు పట్టంగట్టారు. ప్రధాని నరేంద్ర మోదీ చండీగడ్‌లో పూరించిన యోగ శంఖారావం ప్రపంచ దేశాలనే కదిలించింది. చిన్న, పెద్ద, ధనిక, పేద తేడా లేకుండా ఆరోగ్యమే మహాభాగ్యమంటూ అందరూ యోగ వేదికలకు తరలి వచ్చారు. ఐరాస ప్రకటించిన ఏ అంతర్జాతీయ దినోత్సవానికి రానంత ఆదరణ భారతీయ ఆరోగ్య యోగకు లభించింది.

సూళ్లూరుపేట, జూన్ 21: భారత అంతరిక్ష పరిశోధన సంస్థ (ఇస్రో) మరి కొన్ని గంటల వ్యవధిలోనే మరో మైలురాయిని అధిగమించనుంది. ప్రతి ప్రయోగానికి సరికొత్త ఆలోచనతో శ్రీకారం చుట్టే ఇస్రో శాస్తవ్రేత్తలు ఈసారి ఏకంగా ఒకేసారి 20 ఉపగ్రహాలను రోదసీలోకి పంపనున్నారు.