భూమ్యాకాశాలు, అంతరిక్షం, పర్వతాలు, సముద్రాలు వీనితో కూడిన సర్వజగత్తులోని సామర్థ్యాన్ని ఒక్కసారి పరిశీలించండి. సమస్త జీవులను పోషిస్తుంది కాబట్టి భూమికి పూష అని పేరు. అందుకే వేదాలు భూమిని మాతగా ప్రశంసించాయి. మహామహా భారవంతమైన మహా పర్వతాలను, నదీ నదాలను, సముద్రాలను భూమి తన గుండెలపై పెట్టుకొని వహిస్తూంది. వీనినే కాక అనేక వస్తుజాలాన్ని కూడ భూమి వహిస్తూంది. అట్టి ఈ భూమి శక్తి ఎంతయో ఎవరు గణించగలరు?

పఆచార్యుడు శిష్యులకు ఉపనయన సందర్భంలో చెప్పబడే మంత్రమే ఇది. ఉపనీత శిష్యులను ఉత్తములుగా తీర్చిదిద్దడమాచార్యుని విధి. శిష్యుల అభిరుచి, ప్రవృత్తి మనఃస్వభావం మున్నగునవి పరీక్షించి వారిని ఉత్తమ లక్ష్యాలుగల వారిగాచేసి తనకనుకూలంగా- విధేయంగా చేసుకోవలసియుంది. మనస్సును సంస్కరించాలంటే విద్యార్థుల లక్ష్యాలను పవిత్రంగా ఉదాత్తంగా మలచవలసి యుంటుంది. మనస్తత్వ వివేచనా జ్ఞానంలేకుండ ఇది ఎవరికి సాధ్యంకాదు.

ప్రస్తుత మంత్రంలో ‘సహస్ర భృష్టి శతాశ్రీ’ అనే వజ్రాయుధం వర్ణింపబడింది. ‘శతాశ్రీ’ అనగా వందల కొలది పదనులు గలదని అర్థం. అంటే ఈ ఆయుధం వందల కొలది పదును అంచులు కలదై వేల కొలది శత్రువులను సంహరింపగల మారణాయుధంగా గ్రహించాలి.

యోగ్యతానుసారం సంస్కారవంతులను చేయి
తవ క్రత్వా తవ తద్దంసనాభిరామాసు పక్వ శచ్యా ని దీధః
ఔర్ణోర్దుర ఉస్రియాభ్యోవి ద్ళల్హోదూర్వాద్ గా అసృజో అంగిరస్వాన్‌॥॥
భావం:- నీవు నీ బుద్ధివిశేషంతో, కర్మలతో, దృష్టాంతాలతో పరిణతిలేని బుద్ధిగల వారియందు పరిపక్వతను నింపుము. జ్ఞాన కిరణాలపైగల అడ్డంకులను తొలగించు. జ్ఞానివై ఇంద్రియాలను హింసాప్రవృత్తినుండి విడుదల చేయి.