ముంబయి, జూలై 26: దేశీయ స్టాక్ మార్కెట్లు మంగళవారం నష్టాల్లో ముగిశాయి. బాంబే స్టాక్ ఎక్స్‌చేంజ్ సూచీ సెనె్సక్స్ 118.82 పాయింట్లు కోల్పోయి 27,976.52 వద్ద స్థిరపడితే, నేషనల్ స్టాక్ ఎక్స్‌చేంజ్ సూచీ నిఫ్టీ 45 పాయింట్లు దిగజారి 8,590.65 వద్ద నిలిచింది. అమెరికా, జపాన్ సెంట్రల్ బ్యాంక్‌ల సమావేశాల క్రమంలో మదుపరులు అమ్మకాల ఒత్తిడికి లోనయ్యారు.

న్యూఢిల్లీ, జూలై 26: దేశీయ ఆటోరంగ దిగ్గజం మారుతి సుజుకి ఈ ఆర్థిక సంవత్సరం (2016-17) తొలి త్రైమాసికం (ఏప్రిల్-జూన్)లో 1,486.2 కోట్ల రూపాయల నికర లాభాన్ని అందుకుంది. గత ఆర్థిక సంవత్సరం (2015-16) తొలి త్రైమాసికంలో 1,208.1 కోట్ల రూపాయల నికర లాభాన్ని అందుకోగా, ఈసారి 23 శాతం లాభం పెరిగినట్లైంది. నికర అమ్మకాలు ఈసారి 14,654.5 కోట్ల రూపాయలుగా ఉంటే, పోయినసారి 13,078.3 కోట్ల రూపాయలుగా ఉన్నాయి.

కాకినాడ, జూలై 26: సకాలంలో ఆదాయ పన్నును చెల్లిస్తే ఎటువంటి సమస్యలు ఎదురుకావని, విధిగా ఆదాయ పన్ను చెల్లించాలని విశాఖ ఆదాయ పన్ను కమిషనరేట్-2 ప్రిన్సిపల్ కమిషనర్ ఓంకారేశ్వర్ చిదార సూచించారు. ఆదాయ పన్ను ఎగవేతదారులను దృష్టిలో ఉంచుకుని కేంద్ర బడ్జెట్ ద్వారా ఆదాయ వెల్లడి పథకం-2016ను కేంద్ర ప్రభుత్వం ప్రవేశపెట్టిందన్నారు.

ముంబయి, జూలై 25: ప్రభుత్వరంగ బ్యాంకులైన బ్యాంక్ ఆఫ్ బరోడా, పంజాబ్ నేషనల్ బ్యాంక్, ప్రైవేట్‌రంగ బ్యాంకైన హెచ్‌డిఎఫ్‌సి బ్యాంక్‌లపై రిజర్వ్ బ్యాంక్ ఆఫ్ ఇండియా (ఆర్‌బిఐ) సోమవారం జరిమానాలు వేసింది. నిరుడు చోటుచేసుకున్న 6,100 కోట్ల రూపాయల కుంభకోణంలో తాజాగా బ్యాంక్ లోపాలు బయటపడటంతో బ్యాంక్ ఆఫ్ బరోడాపై 5 కోట్ల రూపాయల జరిమానాను విధించిన ఆర్‌బిఐ..