విజయవాడ: నవ్యాంధ్ర రాజధాని అమరావతి నిర్మాణానికి తన వంతు సాయంగా రిటైర్డ్ ఉపాధ్యాయిని మాదల ఝాన్సీలక్ష్మి రెండు లక్షల రూపాయల విరాళం ఇచ్చారు. ఈమేరకు ఆమె గురువారం ఇక్కడ ఎపి సిఎం చంద్రబాబుకు చెక్కును అందజేశారు.

కాకినాడ: తుపాను ప్రభావంతో ఉభయ గోదావరి జిల్లాల్లో ఎడతెరిపి లేకుండా కురుస్తున్న వర్షంతో జనజీవనం స్తంభించింది. ఈదురుగాలులు వీచడంతో పలు ప్రాంతాల్లో విద్యుత్ స్తంభాలు కూలిపోయాయి. విద్యుత్ సరఫరాకు ఆటంకం కలుగుతోంది. లోతట్టు ప్రాంతాలు జలమయం అవుతున్నాయి. పశ్చిమ గోదావరి జిల్లాలోని నర్సాపురం తదితర తీర ప్రాంతాల్లో అలలు పెద్దఎత్తున ఎగసిపడుతున్నాయి. సముద్ర తీరం కోతకు గురవుతోంది.

కర్నూలు: తుపాకీ పొరపాటున పేలడంతో ఓ గన్‌మెన్ గాయపడి ఆస్పత్రి పాలైన సంఘటన కర్నూలు జిల్లా బండిఆత్మకూరు మండలం బోధనం గ్రామంలో జరిగింది. సర్పంచ్ మహేశ్వర రెడ్డి వద్ద గన్‌మెన్‌గా విధులు నిర్వహిస్తున్న గన్‌మెన్ సుబ్రమణ్యం గురువారం ఉదయం తుపాకీని శుభ్రపరుస్తుండగా మిస్‌ఫైర్ అయింది. తీవ్రంగా గాయపడిన గన్‌మెన్‌ను వెంటనే ఆస్పత్రికి తరలించరు. అతడి పరిస్థితి విషమంగానే ఉంది.

కాకినాడ: అదనపు కట్నం కోసం వేధిస్తున్న భర్త కట్టుకున్న ఇల్లాలిలే కడతేర్చి మృతదేహాన్ని చెరువులో పడేసిన ఘటన తొండంగి మండలం చిన్నాయిపాలెంలో గురువారం వెలుగు చూసింది. మృతురాలి బంధువుల ఫిర్యాదు మేరకు పోలీసులు దర్యాప్తు చేస్తున్నారు.