విజయవాడ: రాష్ట్ర సమస్యలపై ఎలాంటి అవగాహన లేని కొన్ని పార్టీల నేతలు సిఎం చంద్రబాబుపై పదే పదే విమర్శలు చేస్తున్నారని ఉప ముఖ్యమంత్రి కెఈ కృష్ణమూర్తి అన్నారు. ఇక్కడ బుధవారం కలెక్టర్ల సదస్సులో ఆయన మాట్లాడుతూ, ఎపిని అభివృద్ధి చేయగల సత్తా చంద్రబాబుకు తప్ప ఎవరికీ లేదన్నారు. రాజకీయ ప్రయోజనాలకు స్వస్తి పలికి, రాష్ట్ర ప్రగతి కోసం అన్ని వర్గాల వారూ సిఎంకు సహకరించాలన్నారు.

విజయవాడ: గత రెండేళ్ల కాలంలో ఎన్నో ఆర్థిక సమస్యలు ఎదురైనా నవ్యాంధ్రలో రెవెన్యూ శాతాన్ని పెంచుకోగలిగామని సిఎం చంద్రబాబు అన్నారు. ఇక్కడ బుధవారం ప్రారంభమైన కలెక్టర్ల సదస్సులో ఆయన మాట్లాడుతూ, అభివృద్ధి విషయంలో జిల్లాల మధ్య పోటీతత్వం పెరగాలన్నారు. నవ్యాంధ రెండేళ్ల పాపలాంటిదని ఆయన అభివర్ణించారు. లక్ష్యసాధనకు కలెక్టర్లతో పాటు అన్ని స్థాయిల్లో అధికారులంతా అంకిత భావంతో పనిచేయాలన్నారు.

విజయవాడ: ఎపిలోని ఇంచుమించు అన్ని జిల్లాల్లోనూ 11 శాతం వృద్ధిరేటును సాధించామని, ఈ విషయంలో కలెక్టర్ల పాత్ర కీలకమని ఆర్థికమంత్రి యనమల రామకృష్ణుడు అన్నారు. ఇక్కడ బుధవారం ప్రారంభమైన జిల్లా కలెక్టర్ల సమావేశంలో ఆయన మాట్లాడుతూ, సేవారంగం, పరిశ్రమల రంగంలో వలే ఇతర విభాగాల్లోనూ ప్రగతి సాధించాలన్నారు. ఆర్థికంగా అన్ని జిల్లాలూ బలోపేతం కావాలంటే కలెక్టర్లు పోటీతత్వంతో పనిచేయాలన్నారు.

తిరుపతి, మే 24: తెలుగుదేశం పార్టీ జాతీయ పార్టీగా గుర్తింపు పొందే తరుణంలో తిరుపతిలో నిర్వహిస్తున్న మహానాడుకు విచ్చేసే కార్యకర్తలు, నాయకులకు హైటెక్ సాంకేతిక పరిజ్ఞానంతో ప్రాంగణంలోకి అనుమతించనున్నారు. మరో 48 గంటల్లో (శుక్రవారం నుంచి) తిరుపతిలోని నెహ్రూమున్సిపల్ హె స్కూల్ క్రీడామైదానంలో ప్రారంభం కానున్న మహానాడుకు ఏర్పాట్లు దాదాపు పూర్తికావచ్చాయి.