జహీరాబాద్, డిసెంబర్ 9: మెదక్ జిల్లా జహీరాబాద్ మండలంలోని అల్గోల్‌లో ఓ మొసలి బావిలో పడింది. దీనిని గమనించిన స్థానికులు వన్యప్రాణి సంరక్షణ అధికారులకు సమాచారం అందించారు. అధికారులు బుధవారం బావిని సందర్శించి, మొసలిని బయటికి తీశారు. మొసలిని మంజీరా డ్యాంలో వదిలిపెట్టనున్నట్లు వారు తెలిపారు. మొసలిని చూసేందుకు స్థానికులు చాలా ఉత్సాహాన్ని చూపారు.

షాద్‌నగర్, డిసెంబర్ 9: నకిలీ పాస్‌పుస్తకాలతో రుణాలు తీసుకుని బ్యాంక్‌ను మోసగించిన ఎనిమిది మందిపై మహ బూబ్‌నగర్ జిల్లా బాలానగర్ పోలీసులు కేసు నమోదు చేశారు. ఈ సంఘటనపై ఎపిజివిబి బ్యాంక్ అధికారులు పోలీసులకు ఫిర్యాదు చేయడంతో విషయం వెలుగులోకి వచ్చింది. ఈ సంఘటనకు సంబంధించి ఎస్సై అశోక్‌కుమార్ కథనం ప్రకారం వివరాలిలావున్నాయి.

హైదరాబాద్, డిసెంబర్ 9: తెలంగాణ రాష్ట్రాన్ని అడ్డుకోవడానికి శతవిధాలుగా ప్రయత్నించిన ఉమ్మడి రాష్ట్ర చిట్ట చివరి ముఖ్యమంత్రి కిరణ్‌కుమార్‌రెడ్డి రాజకీయంగా సమాధి అయ్యారని ఐటీ, పంచాయతీరాజ్‌శాఖ మంత్రి కె తారకరామారావు అన్నారు.

హైదరాబాద్, డిసెంబర్ 9: సాధారణంగా ఏ ఎన్నికల్లోనైనా నువ్వా-నేనా అన్నట్లు పోటీ జరుగుతుంది. కానీ స్థానిక సంస్ధల కోటా నుంచి 12 ఎమ్మెల్సీ స్థానాలకు ఈ నెల 27న జరగనున్న ఎన్నికల్లో పరిస్థితులు భిన్నంగా ఉన్నాయి. కాంగ్రెస్ కరీంనగర్, ఆదిలాబాద్, వరంగల్ జిల్లాల్లో చేతులెత్తేసింది. బిజెపి బరిలోనే లేదు. తెలుగు దేశం పార్టీ 5 స్థానాలకు పోటీ చేయనున్నది.